ترامپتىڭ سولتۇستىك كورەياعا قانداي قارۋ جۇمسايتىنى تۋرالى سويلەسۋ ەستەلىگى اشكەرە بولدى

اقش-تىڭ «Capitol Hill» باسىلىمى كەشە، اقش پرەزيدەنتى مەن فيليپپين پرەزيدەنتى اراسىنداعى تەلەفوندا سويلەسكەن ەستەلىگىن جاريا ەتتى. سويلەسۋ ەستەلىگىندە جازىلۋىنشا، اقش پرەزيدەنتى ۆالتەر داتقا امەريكانىڭ ەكى يادرولىق سۇڭگۋىر كەمەسىنىڭ سولتۇستىك كورەيا ماڭىندا ەكەنىن ايتقان.

بۇعان قوسا ترامپ 29 ءساۋىر كۇنى بولعان بۇل ديالوگتا سولتۇستىك كورەياعا سۋ استى اسكەري ارەكەتىن قولدانۋى مۇمكىن ەكەنىن دە ايتقان. بۇل اقۇيدىڭ ترامپ كەلگەلى بەرى العاش رەت سويلەسۋ ەستەلىگىن اشىپ كورسەتۋى بولىپ تابىلادى.

سويلەسۋ ەستەلىگىندە كورسەتىلۋىنشە، ترامپ: «ءبىزدىڭ ول ارادا كوپ اتىس قۇرالدارىمىز بار. سونىڭ ىشىندە ەكى سۋ استى كەمەلەرىمىز بار (بۇلار قازىر الەمدەگى ەڭ وزىق سۇڭگۋىر كەمەلەرى بولىپ تابىلادى), بۇل ەكەۋى دە يادرولىق سۋ استى كەمەلەرى»، – دەگەن. بىراق ترامپ ءسوزىنىڭ اراسىندا بۇلاردى پايدالانۋدىڭ كەزى كەلمەگەنىن دە ەسكەرتكەن. بۇل حابار كوپتەن بەرى تىنىشتالىپ قالعان سولتۇستىك كورەيا ماسەلەسىن قايتادان قىزۋ كۇيگە سالۋى بەك مۇمكىن.

“The Qazaq Times”