ادام جاساندى ينتەللەكتىدەن وڭباي جەڭىلدى

قورشامالى شاحماتتان سان مارتە الەم چەمپيونى اتاعىن العان حى جيە اتتى قىتايلىق شاحمات شەبەرى مەن AlphaGo جاساندى زەردە اراسىندا جارىس ءوتتى. ادام زەردەسى مەن شاحماتقا ارنالعان جاساندى زەردە اراسىنداعى جارىس 23 جانە 25 مامىر كۇندەرى قىتايدا بولعان ەدى. بۇل تۋرالى سول ەلدىڭ «People» اقپاراتتىق سايتى حابارلاپ وتىر.

فوتو: YraenYNI

حى جيە مەن AlphaGo اراسىنداعى بۇل رەتكى سايىستىڭ ءبىرىنشى كەزەڭى 23 مامىر كۇنى بولدى. 3 ساعاتقا سوزىلعان جارىستىڭ ناتيجەسىندە قورشامالى شاحماتتاعى 1,5 بوستىق پارىقپەن حى جيە جاساندى ينتەللەكتىدەن جەڭىلىپ قالدى.

جارىستىڭ ەكىنشى كەزەگى بۇگىن تۇستەن بۇرىن بولىپ ءوتتى. بۇل جولى حى جيە ءوزىنىڭ بار ونەرىن سالدى. الايدا، 100 ءجۇرىس جۇرگەننەن كەيىن ءوزىنىڭ ويىن سوڭىندا جەڭىلەتىنىن مويىندادى. بىراق ويىندى اقىرلاستىرۋ ءۇشىن 271 ءجۇرىس ءجۇردى. بۇل جولى دا AlphaGo جاساندى ينتەللەكتى حى جيەنى شاڭ قاپتىرىپ كەتتى. AlphaGo جاساندى زەردەسى بۇدان بۇرىندا قورشامالى شاحماتتان تالاي شەبەرلەردى جەڭگەن بولاتىن.

“The Qazaq Times”