فوتو: گولوس امەريكي

بريۋسسەلدە دونالد ترامپ پەن ناتو-عا قارسى نارازىلىق اكتسيالارى ءوتتى دەپ حابارلايدى گولوس امەريكي اقپارات اگەنتتىگى.

كەشە اقش پرەزيدەنتى دونالد ترامپ پەن ناتو باسشىلارى بەلگيا استاناسى بريۋسسەلدە ءوتىپ جاتقان ناتو ساميتىنە كەلگەن بولاتىن. بۇل ناتو باسشىلارى مەن دونالد ترامپتىڭ العاش رەسمي كەزدەسۋى.

بۇعان دەيىن ترامپ پرەزيدەنت سايلاۋى كەزىندە ناتو-نى تەرروريزممەن كۇرەسۋگە قاۋقارسىز، «ەسكىرگەن» ۇيىم دەپ اتاعان  بولاتىن. بىراق، كەيىنەن اقش-تىڭ الداعى ۋاقىتتا ناتو-مەن بىرلەسىپ جۇمىس جاساۋعا دايىن ەكەندىگىن ايتىپ، ناتو-عا مۇشە ەلدەردەن اسكەري اليانستى قارۋلاندىرۋعا جالپى ىشكى ونىمدەرىنىڭ 2 پايىزىن بولۋلەرىن سۇراعان.

دونالد ترامپتىڭ وسى سوزدەرىنەن كەيىن، كەشە بريۋسسەل ورتالىعىندا ناتو باسشىلارى مەن ترامپتىڭ كەلۋلەرىنە قارسى نارازىلىق شەرۋى وتكەن.

شەرۋدى ۇيىمداستىرۋشى ستەفاني دەمبلوننىڭ ايتۋىنشا، ناتو-عا مۇشە ەلدەردىڭ ءجىو قىرۋار قارجىسى ءبىلىم، دەنساۋلىق سالالارىنا ەمەس، سوعىسقا جۇمسالۋىنا قارسى ەكەندىكتەرىن ءبىلدىرۋ ءۇشىن وسى شارانى ۇيىمداستىرعان.

"The Qazaq Times"