تۇركيادا 4 ايدا 37 مىڭنان اسا شاعىن ساۋدا ورتالىقتارى جابىلعان

2017 جىلدىڭ ءبىرىنشى توقسانىندا شاعىن بيزنەسكە بەرىلەتىن كرەديتتىڭ بولعانىنا قاراماستان 37 مىڭ 743 ساۋدا ورنى جابىلىپ قالعان. Cumhuriyet باسىلىمىنىڭ مالىمەتىنشە، جابىق ساۋدا ورىندارىنىڭ سانى بىردەن 3,1 %-عا وسكەن.

ەڭ كوپ ساۋدا نۇكتەلەرى جابىلعان ايماق مرامورنومور ايماعى. مۇندا 8 مىڭ 151 ساۋدا نۇكتەسى ءجۇمىس ىستەۋدى توقتاتقان. ستامبۋل، انكارا جانە يزميردە جابىلعان ساۋدا نۇكتەلەرىنىڭ سانى شامامەن 10 مىڭنان اسادى. مىسالى مەگاپوليس ستامبۋلدىڭ وزىندە 3 مىڭ 256 فيرما ءوزىنىڭ قىزمەتىن توقتاتقان.

تۇركيانىڭ الەۋمەتتىك قامتاماسىز ەتۋ ۇيىمىنىڭ مالىمەتىنشە، كىشىگىرىم جەكەمەنشىك فيرمالاردىڭ سانى وتكەن جىلمەن سالىستىرعاندا 204 مىڭعا قىسقارىپ، 1 ملن 807 مىڭعا دەيىن ازايعان. بۇدان كاسىپكەرلىكتىڭ 10,2%-عا ازايعانىن كورۋگە بولادى.

“The Qazaq Times”