تۇركيا ۇكىمەتى ەل ەكونوميكاسىنىڭ وڭالا باستاعانىن حابارلادى

تۇركيا پرەزيدەنتىنىڭ ءباسپاسوز حاتشىسى يبراحيم كالىن مالىمدەمە جاساپ، ەل ەكونوميكاسىنىڭ وڭ باعىتقا بەت العانىن ايتتى. بۇل تۋرالى سول ەلدىڭ «انادولى» اقپاراتتىق اگەنتتىگى حابارلادى.

كالىن سوزىندە: «قولعا العان شارالار ءوز ناتيجەسىن بەرە باستادى. ەكى كۇننەن بەرى ەل ەكونوميكاسىنىڭ وڭالۋ قارقىنى كۇشەيدى»، – دەدى. ول جانە وسىعان دەيىن پرەزيدەنتتىڭ ۇندەۋىنە قولداۋ كورسەتكەن ازاماتتارعا العىس ءبىلدىردى.

ەردوعاننىڭ ءباسپاسوز حاتشىسى بۇل مالىمەتتەرگە قوسا، كاتارمەن 15 ملرد اقش دوللارى كولەمىندە ينۆەستيتسيا سالۋ شەشىمىن جاساسقاندارىن، فرانتسيا، گەرمانيا پرەزيدەنتتەرىمەن دە بۇل ماسەلەلەر توڭىرەگىندە كەڭەس وتكىزىپ جاتقانىن جەتكىزدى.

“The Qazaq Times”