تۇركيادا رەسەيدىڭ سۋ-24 ۇشاعىن اتىپ ءتۇسىردى دەگەن كۇدىكپەن ۇستالعان الپارسلان چەليكتىڭ سوتى بولدى دەپ حابارلادى ۆۆس اقپارتتار قىزمەتى.

تۇركيانىڭ يزمير قالالىق سوتى رەسەيلىك سۋ-24 ۇشاعىن اتىپ ءتۇسىرىپ، ۇشقىش ولەگ پەشكوۆتى ءولتىردى دەگەن كۇدىكپەن ۇستالعان الپارسلان چەليكتى بەس جىلعا باس بوستاندىعىنان ايىردى.

بىراق چەليكتىڭ قورعاۋشىسى مۇرات ۋستيۋنداگتىڭ ايتۋىنشا، الپارسلاندى سۋ-24 ۇشاعىن اتىپ ءتۇسىرىپ، كەيىننەن رەسەيلىك ۇشقىشتى ولتىرگەنى ءۇشىن ەمەس، زاڭسىز قارۋ ساقتاعىنى ءۇشىن سوتتاعان. ال رەسەيلىك ۇشاققا بايلانىستى ءىس ءالى قارالۋ ۇستىندە ەكەن.

ەستەرىڭىزگە سالايىق سۇرياداعى اسكەري ءىس قيمىلدارعا قاتىسىپ جۇرگەن رەسەيلىك سۋ-24 ۇشاعىن تۇركيالىق اسكەريلەر 2015 جىلدىڭ 24 قاراشاسىندا اتىپ تۇسىرگەن بولاتىن.

“The Qazaq Times”