امەريكانىڭ نيۋ-يورك قالاسىندا وتكەن Sotheby's اۋكتسيونىندا جاپونيالىق ميللياردەر يۋساكۋ ماەدزاۆا امەريكالىق نەوەكسپرەسسيونيست-سۋرەتشى جان-ميشەل باسكيانىڭ سۋرەتىن 110,5 ملن دوللارعا ساتىپ الدى.
كوگىلدىر فوندا ادامنىڭ باسى سالىنعان كارتينا بار بولعانى 10 مينۋتتىڭ ىشىندە ساتىلعان. 110, 5 ملن دوللار باسكيانىڭ تۋىندىلارى ءۇشىن تولەنگەن ەڭ ۇلكەن رەكوردتىق سوما. سونداي-اق، بۇعان دەيىن مۇنداي سوما امەريكالىق ەشبىر سۋرەتشىگە تولەنبەگەن. كاريتنالارى ءۇشىن رەكوردتىق سومانى (105 ملن دوللار) سوڭعى رەت 1980 جىلى ەندي ۋورحولۋ العان.
باسكيانىڭ كارتيناسىن ساتىپ العان جاپونيالىق يۋساكۋ ماەدزاۆا Start Today جانە كيىم ساتاتتىن Zozotown ونلاين-دۇكەنىنىڭ نەگىزىن قالاعان. ول 2016 جىلى باسكيانىڭ ەشبىر اتاۋ بەرىلمەگەن تاعى ءبىر كارتيناسىن 57 ملن دوللارعا ساتىپ العان. ونىڭ سۋرەتتەرى افروامەريكالىقتار اراسىندا وتە جوعارى باعالانادى.
جان ميشەل باسكيا. فوتو: vestifinance.ru
جان ميشەل باكسيا 1988 جىلى 27 جاسىندا ەسىرتكى قولدانۋ سالدارىنان قايتىس بولعان. ول ءوز جۇمىسىن برۋكليندە گرافيتتي سالۋدان باستاپ، 7 جىل ىشىندە ءتۇرلى تۋىندىلاردى دۇنيەگە اكەلدى، كەيىن نەوەكسپرەسسيونيزم باعىتىن قولدادى.
2016 جىلى باسكيا اقش تاريحىنداعى ەڭ قىمبات سۋرەتشى اتاندى. ونىڭ 80-گە جۋىق جۇمىسىنىڭ جالپى قۇنى 171,5 ملن دوللاردى قۇرادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى