قۇراما شتاتتار 2015 جىلعى "يادرولىق كەلىسىمدە" كءورسەتىلگەندەي، يرانعا قاتىستى سانكتسيالاردى جەڭىلدەتىپ جاتىر. ءبىراق، تەگەراننىڭ زىمىران سىناعىن جالعاستىرۋىنا بايلانىستى قارجىلىق شەكتەۋلەر ەنگىزىلدى.
بۇل يراندىق قورعانىس مينيسترلىگىنىڭ ەكى شەنەۋنىگىنە، ءبىر يران ازاماتىنا، ءۇش قىتايلىق كومپانياعا جانە ءبىر قىتاي ازاماتىنا قاتىستى بولىپ وتىر.
مۇنداي شەشىمدى مەملەكەتتىك دەپارتامەنت پەن قارجى مينيسترلىگى 17 مامىردا كونگرەستە مالىمدەدى. وندا اقش تاياۋ شىعىستى تۇراقسىزداندىرىپ جاتقان ارەكەتىنە قارسى تۇرۋدى جالعاستىرا بەرەدى دەلىنگەن. ۆاشينگتون تەگەراندى ءسۇريادا ازاماتتىق سوعىس جۇرگىزىپ جاتقان باشار اسادقا، يەمەندەگى حۋتسي-كوتەرىلىسشىلەرىنە جانە ليۆانداعى راديكالدى "حەزبوللاح" توبىنا كومەكتەسىپ وتىر دەپ ايىپتايدى.
ترامپ سايلاۋالدى كامپانياسى كەزىندە اقش-تىڭ يرانمەن يادرولىق باعدارلامانى توقتاتقان جاعدايدا، بىرتىندەپ ساۋدا-ەكونوميكالىق سانكتسيالاردى الىپ تاستايدى دەگەن كەلىسىمدى بولدىرماۋى مۇمكىن ەكەنىن ايتقان.
19 مامىردا يراندا پرەزيدەنت سايلاۋى وتەدى. يراننىڭ قازىرگى پرەزيدەنتى، اقش-پەن "يادرولىق كەلىسىمگە" كەلگەن حاسان روۋحاني ەكىنشى مەرزىمگە سايلاۋعا ءتۇسىپ جاتىر.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى