ەۆرازيالىق ەكونوميكالىق وداققا مۇشە ەلدەر حالىق ساناعىن وتكىزۋى ءتيىس دەپ حابارلايدى Sputnik اقپارات كوزى.
ەۆرازيالىق ەكونوميكالىق وداقتىڭ كوللەگياسى ەەو مۇشە ەلدەردە حالىق ساناعىن وتكىزۋ جايىنداعى قۇجاتتى قارادى. ەەو كوللەگيا مۇشەسى تاتيانا ۆالوۆايانىڭ ايتۋىنشا، حالىق ساناعىن وتكىزۋ وداققا مۇشە ەلدەردىڭ حالقىنىڭ سانى مەن قۇرامداس بولىگىن انىقتاۋ ءۇشىن قاجەت ەكەن.
بۇعان دەيىن وداققا مۇشە قازاقستان، رەسەي، بەلارۋسسيا، قىرعىزستان، ارمەنيا ەلدەرى 2015 جىلى 2019-2020 جىلدارى ارالىعىندا حالىق ساناعىن وتكىزۋگە كەلىسكەن بولاتىن.
ەستەرىڭىزگە سالايىق سوڭعى رەت قازاقستاندا حالىق ساناعى 2009 جىلى وتكىزىلگەن. ساناق سوڭى ۇلكەن شۋعا ۇلاسىپ، سول كەزدەگى قر ستاتيستيكا اگەنتتىگىنىڭ باسشىسى انار مەشيمباەۆا، اقشا جىمقىردى دەگەن ايىپپەن 7 جىلعا سوتتالعان بولاتىن.
