فوتو: Daily Mail

جاپون اقپارات قۇرالدارى بۇگىن، وسىدان بۇرىن جوعالىپ كەتكەن بارلاۋ ۇشاعىنىڭ بولشەكتەرى تابىلعانىن حابارلادى. سول جەردىڭ جەرگىلىكتى ۋاقىتى 16 مامىر 10:40 شاماسىندا  جاپونيا ءوزىن-ءوزى قورعاۋ تاراۋلارى مەن وزگەدە شارلاۋشى قوسىندار ەلدىڭ حوككايدو ارالىنداعى حوكۋتو تاۋىنان ۇشاقتىڭ پارشالانعان بولشەكتەرىن تاۋىپ الدى. بۇل تۋرالى "شينلاڭ" اقپاراتتىق اگەنتتىگى حابارلاپ وتىر.

15 مامىر كۇنى، جاپونيا ءوز-ءوزىن قورعاۋ ارمياسىنا تيەسىلى ءتورت ادام وتىرعان بارلاۋ ۇشاعى حوككايدوداعى حاكوداتە قالاسىنىڭ ماڭىندا جوعالىپ كەتكەن. جاپون قورعانىس تاراۋلارى 1700 اداممەن بىرگە شارلاۋشى ۇشاقتاردى جۇمىلدىرىپ ىزدەۋ سالعان بولاتىن.

جوعالعان ۇشاق جاپونيا ءوزىن قورعاۋ ارمياسىنىڭ سولتۇستىك اسكەري بولىمشەسىنە تاۋەلدى LR-2 بارلاۋشى ۇشاعى بولىپ تابىلادى. 15 مامىر كۇنى تۇستەن بۇرىن حوككايدو گۋبەرناتورىنىڭ شاقىرۋىمەن جارالىلاردى جەدەل جەتكىزۋگە بارلاۋ ۇشاقتارى جىبەرىلگەن. كەيبىر رەسمي دەرەكتەر بويىنشا ۇشۋ كەزىندە قولايسىز اۋا رايىنان ۇشاق اپاتقا ۇشىراعان بولۋى مۇمكىن دەلىنەدى.

الايدا، جاپونيا قورعانىس تاراۋلارىن ۇشاقتىڭ توسىن كۇيدە جوعالۋى الاڭداتۋدا. حاكوداتە قالاسىنىڭ ماڭىنان وتكەن ۇشاق اينالاسى ون مينۋت وتكەننەن كەيىن حابار-بايلانىس ءۇزىلىپ، جوعالىپ كەتەدى. جاپونيا قورعانىس تاراۋلارى ءىستىڭ انىق-قانىعىن ءالى دە تەكسەرۋ ۇستىندە. ولار تابىلعان ۇشاق قالدىقتارىنا جىڭىشكەلىكپەن تالداۋ جاسايتىندارىن مالىمدەدى.

“The Qazaq Times”