فەدەرالدى رەزەرۆتىك بانك باسشىسى ۋيليام دادلي فوتو: Shailesh Andrade / Reuters

نيۋ-يوركتىڭ فەدەرالدى رەزەرۆتىك بانكىنىڭ باسشىسى ۋيليام دادلي پروتەكتسيونيزمنىڭ ارتىقشىلىعى قىسقا مەرزىمگە عانا سوزىلىپ، ەكونوميكاعا ۇزاق ۋاقىت زالال كەلتىرۋى مۇمكىن ەكەنىن ايتتى. Vestifinance.ru اگەنتتىگىنىڭ حابارلاۋىنشا، ول بۇل جونىندە بومبەيدىڭ قور بيرجاسى ۇيىمداستىرعان كونفەرەنتسيادا مالىمدەگەن. 

"پروتەكتسيونيزم ەكونوميكانىڭ قىسقا مەرزىمدى جوسپارلارى ءۇشىن ءتيىمدى بولۋى مۇمكىن. الايدا ۇزاق مەرزىمدى ەكونوميكاعا كەرى اسەر ەتۋى عاجاپ ەمەس. مەملەكەتتەر باسەكەلەستىكتەن باس تارپاي ونى قالىپتاسىرا الۋ كەرەك. ساۋدا الاڭدارى - بۇل تيىمدىلىگى جوعالا باستاعان نەمەسە باسەكەگە قابىلەتى تومەن سالالار ءۇشىن جۇمىس ورىندارىن ساقتاپ قالۋعا كومەكەتەسەتىن ءتاسىل. ال ەگەر پروتەكتسيونيزم بولاتىن بولسا، بۇل ءار مەملەكەتتىڭ ەكسپورت سالاسىنداعى مۇمكىندىگىن ازايتىپ، كەز كەلگەن تاۋارلارعا قولجەتىمدى بولماي قالادى", - دەيدى ول.

پروتەكتسيونيزم دەگەنىمىز نە؟ بۇل تەرميندى ەكى ءتۇرلى تۇسىندىرۋگە بولادى. بىرىنشىدەن، بۇل شەتەلدە شىعارىلعان تاۋارلاردىڭ ىشكى نارىققا كىرۋىن شەكتەۋ نەمەسە وعان جول بەرمەۋ ماقساتىمەن جۇرگىزىلەتىن كەدەن ساياساتى. وسى تۇرعىدان الاتىن بولساق بۇل باسقا ەلدەر ءۇشىن ءتيىمسىز. ياعني ءار مەملەكەتتىڭ ەكسپورت كولەمى قىسقارىپ كەتەدى.

ال ەكىنشى جاعىنان قاراعاندا پروتەكتسيونيزم دەگەنىمىز ۇلتتىق وندىرۋشىلەردىڭ مۇددەلەرىن قورعاۋعا، سونداي-اق ۇلتتىق ءوندىرىستى كوتەرمەلەۋگە جانە ىنتالاندىرۋعا باعىتتالعان شارالار جۇيەسى. بۇل تۇرعىدا ىشكى نارىق ءۇشىن تيىمدىلىگى جوعارى. سەبەبى ىشكى نارىقتا جۇمىس ىستەپ جاتقان كومپانيالاردىڭ ونىمىنە سۇرانىس ارتادى.

“The Qazaq Times”