Federaldı rezervtik bank basşısı Uil'yam Dadli Foto: Shailesh Andrade / Reuters

N'yu-Yorktıñ Federaldı rezervtik bankiniñ basşısı Uil'yam Dadli protekcionizmniñ artıqşılığı qısqa merzimge ğana sozılıp, ekonomikağa wzaq uaqıt zalal keltirui mümkin ekenin ayttı. Vestifinance.ru agenttiginiñ habarlauınşa, ol bwl jöninde Bombeydiñ qor birjası wyımdastırğan konferenciyada mälimdegen. 

"Protekcionizm ekonomikanıñ qısqa merzimdi josparları üşin tiimdi boluı mümkin. Alayda wzaq merzimdi ekonomikağa keri äser etui ğajap emes. Memleketter bäsekelestikten bas tarpay onı qalıptasıra alu kerek. Sauda alañdarı - bwl tiimdiligi joğala bastağan nemese bäsekege qabileti tömen salalar üşin jwmıs orındarın saqtap qaluğa kömeketesetin täsil. Al eger protekcionizm bolatın bolsa, bwl är memlekettiñ eksport salasındağı mümkindigin azaytıp, kez kelgen tauarlarğa qoljetimdi bolmay qaladı", - deydi ol.

Protekcionizm degenimiz ne? Bwl termindi eki türli tüsindiruge boladı. Birinşiden, bwl şetelde şığarılğan tauarlardıñ işki narıqqa kiruin şekteu nemese oğan jol bermeu maqsatımen jürgiziletin keden sayasatı. Osı twrğıdan alatın bolsaq bwl basqa elder üşin tiimsiz. YAğni är memlekettiñ eksport kölemi qısqarıp ketedi.

Al ekinşi jağınan qarağanda protekcionizm degenimiz wlttıq öndiruşilerdiñ müddelerin qorğauğa, sonday-aq wlttıq öndiristi kötermeleuge jäne ıntalandıruğa bağıttalğan şaralar jüyesi. Bwl twrğıda işki narıq üşin tiimdiligi joğarı. Sebebi işki narıqta jwmıs istep jatqan kompaniyalardıñ önimine swranıs artadı.

“The Qazaq Times”