قىرعىزستان ءوزبەكستانمەن قارىم-قاتىناستى نىعايتۋعا نيەتتى. وسىلاي دەپ قىرعىزستان پرەزيدەنتى المازبەك اتامباەۆ ءوزبەكستان پرەزيدەنتى شاۆكات ميرزياەۆقا جولداعان جولداۋىندا ايتادى.

قىرعىزستان باسشىسى جولداۋىندا 2016 جىلدىڭ 24 جەلتوقسانىندا وزبەكستانعا ءوزى باستاپ بارعان ساپارى كەزىندەگى كورسەتكەن سىي-قۇرمەتى مەن قوناقجايلىعىنا العىسىن بىلدىرەدى. المازبەك اتامباەۆ شاۆكات ميرزياەۆپەن قول قويعان قىرعىزستان مەن وزبەكستاننىڭ ماڭگىلىك دوستىعى جونىندەگى كەلىسىمدى ريزاشىلىقپەن ەسكە الاتىنىن ايتقان.

«مەنىڭ تەرەڭ تۇيسىگىم بويىنشا، ەكى ەل قارىم-قاتىناسىنىڭ ءوزارا تۇسىنۋشىلىكپەن ءارى قاراي جۇمىس ىستەيتىن ناقتى باعىتى انىقتالدى. بۇل كەلىسىمدە كورسەتىلگەندەي، ءبىزدىڭ ەلدىڭ حالقىنىڭ جاڭا ومىرگە جول باستاۋىنا مۇمكىندىك بەرەدى»، – دەپ اتاپ وتكەن اتامباەۆ.

قىرعىزستان باسشىسىنىڭ ويىنشا، ەكى ەل پرەزيدەنتى قول جەتكىزگەن كەلىسىم وزبەكستان مەن قىرعىزستان اراسىنداعى بارلىق پروبلەمالاردى تۇپكىلىكتى شەشۋگە مۇمكىندىك بەرەدى.

المازبەك اتامباەۆ ءوزىنىڭ جولداۋىندا وزبەكستان پرەزيدەنتىن 2017 جىلى وزىنە ىڭعايلى ۋاقىتتا قىرعىزستانعا رەسمي ساپارمەن كەلۋگە شاقىردى.

centralasian.org