اقش تەررورلىق ۇيىمدى قارۋ-جاراقپەن قامداپ وتىر

اقش وزگەلەردىڭ ەسكەرتۋىنە قاراماستان بولشەكتەۋشى PKK-ءنىڭ جالعاسى بولىپ سانالاتىن، سۇرياداعى YPG ۇيىمىن قارۋ-جاراقپەن قامداۋ ارەكەتىن جالعاستىرىپ وتىر دەپ ايىپتايدى تۇركيا جاعى. تاياۋدا اقۇي  YPG-عا اۋىي اسكەري قارۋ-جاراق بەرۋدى بەكىتكەن. اقش پرەزيدەنتى تىكەلەي پارمەن بەرىپ، پەنتاگوندى تەررورلىق ۇيىمدى قارۋلاندىرۋعا وكىلەتتىك بەرگەن. بۇل تۋرالى «اناتولى» اقپاراتتىق اگەنتتىگى حابارلاپ وتىر.

تۇركيا جاقتىڭ نارازىلىعىنان كەيىن اقۇي وكىلدەرى قايتا-قايتا مالىمدەمە جاساپ، قاۋىپسىزدىك ماسەلەسىندە تۇركياعا كەپىلدىك بەرەتىندەرىن ايتقان. اقۇيدىڭ ءباسپاسوز حاتشىسى شون سپايسەر سوزىندە: «تۇركيا جاقتىڭ قاۋىپسىزدىك ماسەلەسىندە الاڭدايتىنىن بىلەمىز. ءارى مۇنىسى ورىندى دەپ سانايمىز. دەسە دە ءبىز ناتو جانە وعان وداقتاس بولعان وزگە ەلدەردىڭ قاۋىپسىزدىگىنە جاۋاپكەر بولاتىنىمىزدى بىلدىرگىمىز كەلەدى»، – دەدى.

اقۇيدەن كەيىن پەنتاگون دا حابارلاما جاريالاپ، وسى مازمۇندى قايتالاعان. الدا تۇرىك باسشىسى مەن قۇراما شتات پرەزيدەنتى كەزدەسۋدى جوسپارلاپ وتىر. ەردوعان مەن ترامپ اراسىنداعى كەزدەسۋ 16 مامىرعا ورنالاستىرىلدى.

“The Qazaq Times”