دونالد ترامپ فبر باسشىسى دجەيمس كوميدى جۇمىسىنان بوساتتى دەپ حابارلايدى ۆۆس اقپاراتتار قىزمەتى.

اق ءۇي ءباسپاسوز قىزمەتىنىڭ مالىمەتىنشە دونالد ترامپ دجەيمس كوميدى اقش-تىڭ باس پروكۋرورى دجەفف سەشنس پەن ونىڭ ورىنباسىرى رود روزەنستيننىڭ ايتۋلارى بويىنشا جۇمىستان بوساتقان.

فبر باسشىسى دجەيمس كومي پرەزيدەنت سايلاۋى كەزىندە دونالد ترامپتىڭ رەسەيمەن قاتىسى بولعان دەگەن كۇدىكپەن جۇرگىزىلگەن قىلمىستىق زەرتتەۋ توبىنىڭ جەتەكشىسى بولعان.

بۇل جايىندا پرەزيدەنت سايلاۋىندا ترامپتان جەڭىلگەن حيللاري كلينتون جاقتاستارى دونالد ترامپ ءوزىنىڭ سايلاۋ كەزىندە رەسەيمەن بايلانىسىن جاسىرۋ ماقساتىندا وسىنداي قادامعا باردى دەپ مالىمدەدى.

دجەيمس كومي پرەزيدەنت سايلاۋى كەزىندە حيللاري كلينتوننىڭ جەكە سەرۆەرى ارقىلى مەملەكەتتىك قۇپيا قۇجاتتاردى پايدالاندى دەگەن كۇدىكپەن قىلمىستىق ءىس قوزعاعان ەدى. ال حيللاري كلينتون ءوزىنىڭ سايلاۋدا جەڭىلۋىنە فبر باسشىسى دجەيمس كومي مەن رەسەي حاكەرلەرىنىڭ تىكەلەي قاتىسى بار دەگەن بولاتىن.

“The Qazaq Times”