وڭتۇستىك كورەيانىڭ جاڭا پرەزيدەنتى سايلاندى

وڭتۇستىك كورەياداعى پرەزيدەنتتىك  سايلاۋدىڭ قورىتىندى ناتيجەلەرىنە سايكەس 41,08 پايىز داۋىسپەن  مۋن چجە ين جەڭىسكە جەتتى.

ورتالىق سايلاۋ كوميتەتىنىڭ بۇگىنگى جارلىعىمەن مۋن چجە ين رەسمي تۇردە ءوز قىزمەتىنە كىرىستى.

وسك رەسمي سايتىندا جاريالانعان مالىمەتتەردە وڭتۇستىك كورەيانىڭ دەموكراتيالىق پارتياسىنىڭ اتىنان قاتىسقان 64 جاسار مۋن چجە ينگە 13,4 ميلليون سايلاۋشىلار داۋىس بەرگەندىگى كورسەتىلگەن.

ال كونسەرۆاتيۆتى ەركىن كورەيا پارتياسىنىنىڭ وكىلى حون چجۋن پحە – 24,03 پايىز، حالىق پارتياسىنان سايلانعان ان چحول سۋ – 21,41 پايىز داۋىس جيناعان بولاتىن.

كەزەكتەن تىس پرەزيدەنت سايلاۋى وڭتۇستىك كورەيانىڭ ەكس-پرەزيدەنتى پاك كىن حەنىڭ جەمقورلىققا بايلانىستى داۋىعا ىلىگىپ، بيلىكتەن الاستاتىلعاندىعىنان وتكىزىلىپ وتىر.

“The Qazaq Times”