قىتاي ۇكىمەتى ترامپ پەن تيبەت دالايىنىڭ كەزدەسۋىنە قارسى

قىتاي سىرتقى ىستەر مينيسترلىگىنىڭ رەسمي سايتىندا جاريالانۋىنشا، مينيسترلىكتىڭ ءباسپاسوز حاتشىسى گىڭ شۋاڭ: «قىتاي تارابى تيبەت دالاي لاماسىن كەز-كەلدىڭ شاقىرۋىنا نەمەسە ساپارلاۋىنا قارسى. بۇل سول ەل مەن قىتاي اراسىنداعى ديپلوماتيالىق سەنىمسىزدىكتى تۋدىرادى» دەپ مالىمدەگەن.

ءباسپاسوز ماجىلىسىندە جۋرنالسيتتەر: «بۇل قىتاي ۇكىمەت تارابىنىڭ اقش پرەزيدەنتى ترامپتىڭ دالايمەن كەزدەسۋىنە بولمايدى دەگەن تالابى ما؟» – دەگەن سۇراعىنا قىتاي ءسىم وكىلى گىڭ شۋاڭ (Geng Shuang): «بۇل ءىس جونىندە ءبىز الە قاشان ءوز تۇعىرىمىز بەن تالابىمىزدى بەكىتىپ بولعانبىز. دالاي XIV بولسا تازا ءدىن وكىلى ەمەس. ول تازا قىتاي بيلىگىنە قارسى سەپاراتيستىك قىزمەتپەن اينالىساتىن ساياسي قۋدالانۋشى. رەسمي بەيجىڭ دالاي لامانىڭ ارقانداي ءبىر ەلگە ساپارلاي بارۋىنا قارسى. شەتەلدىك كەز-كەلگەن ساياسي تۇلعامەن ءار ءتۇرلى ماقساتتا كەزدەسۋى مەن بايلانىس جاساۋىنا قارسى»، – دەپ جاۋاپ بەردى.

ەستەرىڭىزگە سالا كەتەيىك. وتكەن جىلدىڭ سوڭىندا، موڭعوليا تيبەت دالايىن ەلىنە شاقىرعانى ءۇشىن قىتاي تارابىنىڭ ساياسي جانە ەكونوميكالىق قىسىمىنا ۇشىراعان بولاتىن. بۇل سانكتسيالار موڭعوليا ەكونوميكاسىنا اۋىر سوققى بولدى. كەيىن موڭعوليا ۇكىمەتى بەيجىڭگە ارنايى ەلشىلەر اتتاندىرىپ، جوعارى لاۋازىمدىلارىنىڭ كەزدەسۋ وتىرىسى ارقىلى كەلىسىمگە كەلگەن بولاتىن.

“The Qazaq Times”