الياسكادان ۇشىپ وتكەن رەسەي ۇشاقتارى اقش-تىڭ زارەسىن الدى

سارسەنبى كۇنى رەسەيدىڭ بەس اسكەري ۇشاعى الياسكا ماڭىنداعى حالىقارالىق اۋە كەڭىستىگىنەن ۇشىپ ءوتتى. مۇنىڭ ەكەۋى بومبالاۋشى ۇشاق ەكەنى بەلگىلى بولعان. سوڭعى كەزدەرى ءجيى تۋىلعان مۇنداي وقيعالار سەرياسى اقش-رەسەي قاتىناسىنىڭ شيەلەنىسىنە الىپ كەلدى.

بەيسەنبى كۇنى اقش رەسمي وكىلدەرىنىڭ ايتۋىنشا، سول جەردىڭ جەرگىلىكتى ۋاقىتىمەن 17:00 شاماسىندا، رەسەي تۋ-95 Bear اۋىر بومبالاۋشى ۇشاعى جانە ەكى سۋ -35 Flanker جويعىش ۇشاقتارى الياسكانىڭ باتىس جاعالاۋىندا پايدا بولعان. كەيىن بۇل رەسەيلىك ۇشاقتار الياسكا اۋە قورعانىس سايكەستەندىرۋ ايماعىنا كىرگەن. بۇل كەڭىستىك اقش-قا تاۋەلدى كەڭىستىككە وتە جاقىن بولىپ تابىلادى.

اقش قورعانىس دەپارتامەنتى حابارلاماسىندا، وسى جاعدايدى ەسكەرە وتىرىپ، اقش اۋە ارمياسىنان ەكى شابۋىلشى ۇشاقتى رەسەي ۇشاقتارىن ۇستاپ، وزدەرىنە تاۋەلدى كەڭىستىكتەن شىعارىپ سالماق بولعان. الايدا، رەسەيدىڭ ا-50 اۆاكس ۇشاعى جوعارى كەڭىستىككە كوتەرىلىپ كەتكەندىكتەن، اقش ۇشاقتارىمەن  كەزدەسپەگەن. اقش-قا تاۋەلدى كەڭىستىك ماڭىندا رەسەيدىڭ اسكەري ۇشاقتارىنىڭ پايدا بولۋى تەك بۇل عانا ەمەس، وسىدان بۇرىن دا تالاي مارتە بولعان ەدى. اقش ۇلتتىق قاۋىپسىزدىك تاراۋلارى بۇل ىسكە قاتتى الاڭداۋشىلىق ءبىلدىرىپ وتىر.

“The Qazaq Times”