كيەۆتە ۆيكتور يانۋكوۆيچتىڭ سوتى بولدى

بۇگىن كيەۆتىڭ وبولونسك اۋداندىق سوتىندا ۋكراينانىڭ بۇرىنعى پرەزيدەنتى ۆيكتور يانۋكوۆيچ ءىسى قارالدى دەپ حابارلايدى ينتەرفاكس ۋكراينا اقپارات كوزى.

ۆيكتور يانۋكوۆيچكە ۋكراينا قىلمىستىق كودەكسىنىڭ 111 بابىنىڭ 1 تارماعى (وتانىنا وپاسىزدىق جاساۋ), 110 باپتىڭ 3 تارماعى (ۋكراينانىڭ تۇتاستىعى مەن تاۋەلسىزدىگىنە قول سۇعۋ), 437 باپتىڭ 2 تارماعى (ارانداتۋشى اسكەري ارەكەت جاساۋ), 27 باپتىڭ 5 تارماعى (سىبايلاستىق) بويىنشا ايىپتار تاعىلعان.

ۆيكتور يانۋكوۆيچ ءىسىن قاراعان وبولونسك اۋدانىنىڭ سوتى ۆلاديسلاۆ دەۆياتكو يانۋكوۆيچكە سوتقا ۆيدەو ارقىلى قاتىسۋعا رۇقسات بەرگەن.

ال 3 مامىر كۇنى ينتەرپول يانۋكوۆيچتى ىزدەستىرۋىن توقتاتاتىنىن مالىمدەگەن بولاتىن. بىراق ۋكرايىنا قارسى اپەللياتسيالىق شاعىم جازعان.

ۆيكتور يانۋكوۆيچ ۋكراينانى 2010-2014 جىلدارى ارالىعىندا باسقارعان. 2014 جىلى 106 ادامنىڭ ءومىرىن قيعان ەۆرومايداننان كەيىن بيلىك باسىنان كەتكەن بولاتىن.

“The Qazaq Times”