ترامپ: مەنىڭ وباماعا ۇقساپ قالعىم كەلمەيدى

اقش پرەزيدەنتى «Fox News» كانالىنا بەرگەن سۇحباتىندا سولتۇستىك كورەيا ماسەلەسىندە بىرقاتار توسىن پىكىرلەر ايتتى. ونىڭ سوزدەرىنىڭ ءبىر ۇشى وزىنەن بۇرىنعى پرەزيدەنت وباماعا دا ءتيىپ كەتتى. الەم ەلدەرىنىڭ اقپارات قۇرالدارىندا ترامپتىڭ قيتۇرقى سوزدەرى تەز تارادى.

ترامپ سوزىندە: «مەن سولتۇستىك كورەيا ماسەلەسىندە «قىزىل سىزىقتى» جاعداي ورناتۋدى ۇناتپايمىن. بىراق، اسكەري ارەكەت قولدانۋ كەرەك بولسا، مەن الدىمەن بۇل قادامعا بارار ەدىم»، – دەدى. ول تاعى: «مەن بۇل ماسەلەدە وباما پرەزيدەنتتىڭ ءسۇريا ماسەلەسىندەگى ۇستانىمىنا ۇقساپ قالعىم كەلمەيدى»، – سالدى.

ترامپ وبامانىڭ ءسۇريا ماسەلەسىندەگى «قىزىل سىرىق» جاعدايىن ورناتۋ ۇستانىمىن سىنعا الا وتىرىپ: « مەن وباما پرەزيدەنتكە ۇقساعىم كەلمەيدى. سەن مۇنداي جاعداي جاسايمىن دەپ جۇرگەنىڭدە كوپتەگەن ىڭعايسىز جاعدايلارعا قالۋىڭ مۇمكىن. وعان قوسا ونىڭ بەرگەن ۋادەلەرىنىڭ كوبى ورىندالمادى»، – دەگەن پىكرىن ءبىلدىردى.

ترامپ سۇحباتى بارىسىندا سولتۇستىك كورەي باسشىسىندا سوزبەن ءىلىپ كەتتى. ول ءوزىنىڭ كيم جوڭ ۋنگە (كيم چەن ىن) كەزدەسۋگە دايىن ەكەنىن ءبىلدىردى. الايدا، اقۇي قىزمەتكەرلەرى مۇنىڭ ۋاقىتى كەلمەدى دەپ كەسەتتى. سولتۇستىك كورەيا باسشىسىنىڭ رەسمي ساپارمەن ەش ەلگە بارمايتىنى بەلگىلى. الايدا، ەكى ەل باسشىلارى كەزدەسۋگە كەلىسسە بۇل كەزدەسۋدىڭ قىتايدا ءوتۋى مۇمكىن.

The Qazaq Times