"Vagner" jekemenşik äskeri kompaniyanıñ (JÄK) tuıstarınıñ baylanıs çatında "soñğı oqiğalarğa baylanıstı jaldamalı äskerge şaqıru uaqıtşa toqtatıladı" degen habar tüsken. Bwl jöninde "Agentstvo" basılımı jazdı.

Onda çatta 13 mıñ adam barı aytılğan. Toptıñ äkimşiligi "kezekke twruğa" bolatının eskertken.

23 tamızda "Vagner" JÄK negizin qwruşı Evgeniy Prigojin mingen wşaq apatqa wşırap, borttağı barlıq müşelerdiñ qaza bolğanı jariyalandı. Keyin reseylik aqparat qwraldarında qorğanıs ministrligi "Vagnerdi" baqılauğa alğısı keledi degen aqparat taradı.

Prigojinniñ özi şilde ayında özi wyımdastırğan bülikten keyin kompaniyasına adamdardı tartudı uaqıtşa toqtatqanın mälimdegen. Biraq soğan qaramastan "Vajnıe istorii" basılımı "Vagner" aymaqtardan adam jinap jatır dep habarlağan. Onda jaldamalı äskerlerdi Afrikağa jiberip jatqanı aytılğan.

Al "Agentstvo" basılımınıñ jazuınşa, jaldamalı äskerdiñ tuıstarı birneşe aydan beri olarğa aqşa tölemey jatqanın aytıp şağımdanğan.