AQŞ memlekettik hatşısınıñ Oñtüstik jäne Ortalıq Aziya isteri jönindegi kömekşisi Donal'd Lu 22-27 säuir aralığında Qırğızstan men Täjikstanda boladı. Bwl turalı AQŞ memlekettik hatşısınıñ saytında habarlandı, -dep jazdı Ortalıq Aziya jañalıqtar qızmeti.

Resmi mälimet boyınşa, amerikalıq diplomat Bişkekte ükimet ökilderimen kezdesip, "eki el arasındağı jäne aymaq maqsattarın şeşu" mäselelerin talqılaydı.

"Memlekettik hatşınıñ kömekşisi Lu ekonomika jetekşilerimen jäne azamattıq qoğam ökilderimen kezdesip, Qwrama Ştattardıñ Qırğızstan ekonomikasın qoldau ädisterin talqılaydı. Sonımen birge, äyelder mümkindigi, adam qwqıqtarı jäne baspasöz erkindigi söz boladı", - dep habarladı Memlekettik departament.

Odan soñ Lu Duşanbege baradı. Täjikstan astanasında eki el arasındağı äriptestik, sonıñ işinde qauipsizdik mäseleleri talqılanadı. Memlekettik departament mälimetinşe, Donal'd Lu BAQ pen azamattıq qoğam ökilderimen de kezdesip, "baspasöz erkindiginiñ, mıqtı azamattıq qoğam qalıptastırudıñ mañızdılığın" aytadı.

Bir jılğa juıq uaqıt bwrın AQŞ memlekettik hatşısınıñ Oñtüstik jäne Ortalıq Aziya isteri jönindegi kömekşisi Donal'd Lu aymaq elderine saparı ayasında Täjikstanğa da soqqan. Sol kezde Duşanbede Täjikstan men Qwrama Ştattar arasında toğızınşı ret sayasi pikir-almasu wyımdastırılğan. Täjikstanğa saparınıñ ayağında Donal'd Lu Azattıq radiosınıñ Täjik qızmeti - Ozodi radiosına swqbat bergen.