AQŞ memlekettik hatşısı Entoni Blinken 28 aqpan - 3 naurız aralığında Qazaqstan, Özbekstan jäne Ündistanğa resmi saparmen baradı dep habarladı AQŞ memlekettik departamentiniñ baspasöz hatşısı. Bwl turalı Ortalıq Aziya jañalıqtar qızmeti jazdı.

28 aqpanda AQŞ memlekettik hatşısı Entoni Blinken Qazaqstanğa keledi. "Bwl – onıñ Qazaqstanğa alğaşqı saparı" dep habarladı 24 aqpanda Qazaqstan sırtqı ister ministrligi.

Vedomstvonıñ habarlauınşa, Astanada AQŞ memlekettik hatşısın prezident Qasım-Jomart Toqaev qabıldaydı. Memlekettik hatşı Qazaqstan sırtqı ister ministri Mwhtar Tileuberdimen ekijaqtı kelissöz jürgizedi. Sol küni Astanada Blinken men Ortalıq Aziya elderiniñ sırtqı sayasat mekemeleri basşıları qatısatın S5+1 formatındağı kezdesu ötedi. Onda öñirlik ıntımaqtastıq jäne AQŞ-pen seriktestikti damıtu mäseleleri talqılanadı.

AQŞ memlekettik departamentiniñ habarlauınşa, Blinken 28 aqpan jäne 3 naurız aralığında Qazaqstanmen qatar Özbekstan men Ündistanğa da saparlaydı. Ol Astanada qazaqstandıq resmi twlğalarmen kezdesip, ekijaqtı äriptestikti nığaytu mäselelerin talqılaydı.

C5+1 formatındağı kezdesuge qatısıp, AQŞ-tıñ Ortalıq Aziya elderiniñ täuelsizdigi, egemendigi men aumaqtıq twtastığın qoldaudan aynımaytının jetkizbek.

S5+1 – Ortalıq Aziyadağı bes el (Qazaqstan, Qırğızstan, Täjikstan, Özbekstan, Türkimenstan) jäne AQŞ arasındağı qarım-qatınastıñ formatı. Bwl format ayasında altı el ekonomika, ekologiya jäne qauipsizdik jönindegi mäselelerdi talqılaydı.