Tarazda Qandı Qañtar oqiğası boyınşa ayıptalğan 9 adamnıñ (onıñ işinde 5 adam oqqa wşıp qaza tapqan) sotı jalğasıp jatır. 26 qañtarda jarıssöz bastalğan bolatın.

27 qañtarda ötken sot otırısında jarıssöz jalğastı. Sot procesi küdikti Ashat Täşekeevtiñ advokatı Ospanovanı tıñdaudan bastaldı. Ol Täşekeevke QR QK 272 babınıñ 1 böligi boyınşa tağılğan ayıp qoldan jasalğanın ayttı.

– Ashat Täşekeevke tağılğan 272 baptıñ 1 böligi boyınşa tağılğan ayıptıñ qoldan jasalğanı anıq körinip twr. Memlekettik ayıptauşılar Täşekeevtiñ jappay tärtipsizdik wyımdastırğanı jöninde birde-bir mardımdı dälel keltirgen joq. Barlıq kuälar Täşekeevtiñ qolında eşqanday qaru bolmağanın ayttı. Qarapayım, kafel' qoyuşı jigittiñ jappay tärtipsizdik wyımdastırdı degenge kim senedi?, – dedi qorğauşı.

Advokat Täşekeevti 272 baptıñ 1 böligimen tağılğan ayıp boyınşa aqtaudı, 272 baptıñ 3 böligimen tağılğan ayıp boyınşa bas bostandığınan ayırmau jazasın berudi swradı.

26 qañtarda ötken sot otırısında Täşekeev tağılğan ayıptı moyındamaytının aytqan.

– Kuägerlerdiñ barlığı jalğan. Tağılğan ayıptı moyındamaymın. Barlığı özderi otırmaudıñ (sottalmaudıñ) amalın istep otır. Qanşama bala qaytıs boldı. Olardıñ barlığı ädildik izdep otır. Bizde sol ädildik bolsın deymiz... Prokurorlar mağan tört jıl berudi swrap jatır eken. Berse, berer, otırsam, otırarmın. Anama ğana qiın. Osı jerde anam ğana qinalıp otır, – dedi ol.

Täşekeev sotta iske qatısuşılardan uaqıttarın alğanına keşirim swrap, qasında otırğan Marat Bekbaudıñ (is boyınşa küdikti dep tanılğan) basınan iiskep: «Bekbaudıñ basınan iiskesem kimniñ iisi şığadı, qazaqtıñ iisi şığadı» dep, sottan özin aqtaudı swrağan.

Sottaluşı Nwrbol Erejepovtıñ advokatı sud'yadan küdiktini tolıqtay aqtaudı swradı. Ol tağılğan ayıptar dälelin tappadı dedi.

Qañtar oqiğası kezinde oqqa wşıp, qaza tapqan sottaluşı Isatay Donbaevtıñ apayı Şolpan Donbaeva da bauırına tağılğan ayıppen kelispeytinin aytıp, aqtaudı swradı.

Marat Bekbau eşkimdi aydap salıp, ört qoyuğa qatıspağanın, özine tağılğan ayıppen kelispeytinin ayttı. Ol sottan bas bostandığınan ayırmaudı swradı.

Erjan Bayjanovtıñ anası Nigora Zakaryaeva wlına tağılğan ayıppen kelispeytinin, balasınıñ kisi qolınan asqan zorlıqpen öltirilgenin ayttı.

– Men wlımnıñ kisi qolınan asqan zorlıqpen öltirilgennen keyin tağılğan ayıppen kelispeymin. Wlım bir jıl, jiırma künnen astam uaqıttan beri jer astında jatır. Ol söyleu qwqığınan ayırılğan. Anası men, wlım üşin barınşa jauabımdı aytamın... Qwrmetti sot mırza, sizden ötinip swraymın, qaytıs bolğan marqwmdardı aqtap, jasalmağan qılmısı üşin kinäli qılıp jibermeñiz! Biz ädil sottıñ şeşimin kütip otırmız, – dedi ol.

Jarıssöz kezinde sottaluşılar, olardıñ tuıstarı men advokattarı iste şikilikter köp ekenin kezek-kezek ayttı. Sot ayaqtalğannan soñ BAQ ökilderi prokuror Ädilet Üsembaevtan osığan baylanıstı pikir bildiruin swradı. Biraq ol jurnalisterden qaşqaqtap, jürip kele jatıp jauap berdi. Ol iske baylanıstı sottan tıs pikir bildiruge qwqığı joq ekenin ayttı.

– Men bwl jerde iske memlekettik ayıptauşı retinde qatısıp jatırmın. Biraq, iske resmi ökil retinde pikir beruge eşkim ökilettik bergen joq. Men barlığın jarıssözde ayttım. Jauap qajet bolsa oblıstıq prokuraturadan swrañızdar, – dep qısqa qayırdı prokuror.

Sud'ya Bağdat Törebekwlı sottaluşılarğa kelesi sot otırısın 30 qañtarğa belgilerdi. Kelesi sot otırısında sottaluşılar soñğı sözderin aytadı.

Qandı Qañtar oqiğası kezinde Taraz qalasında resmi derek boyınşa 15 adam qaza tapqan. Biraq

Qañtar oqiğasına qatısuşılar men olardıñ tuıstarı oqqa wşıp, mert bolğandardıñ sanı odan älde qayda köp ekenin aytqan.