Bas prokuraturanıñ bwrınğı qızmetkeri Artur Lastaev Adam qwqıqtarı jönindegi uäkil bolıp tağayındaldı. Onıñ kandidaturasın prezident Qasım-Jomart Toqaev wsınıp, senat deputattarı bir auızdan qoldadı. Bwl turalı Masa media jazdı.

39 jastağı Artur Lastaev bwğan deyin bas prokuraturanıñ halıqaralıq-qwqıqtıq ıntımaqtastıq qızmetiniñ bastığı, bas prokuraturanıñ Europadağı ökili, Qazaqstannıñ Şveycariyadağı elşisiniñ keñesşisi jäne t. b qızmetter atqarğan.

Artur Lastaev qızmettik jolın Almatı qalasınan bastağan. Ol 2006 jılı Bostandıq audanıq prokurorınıñ kömekşisi bolğan.

Bwğan deyin Adam qwqıqtarı jönindegi uäkil El'vira Äzimova bolğan. Ol bügin konstituciyalıq sot törağası bolıp tağayındaldı.

Qazaqstanda biıl ombudsmenniñ ökiletin keñeytetin jäne aymaqtardan ökildigin aşuğa mümkindik beretin zañ qabıldanğan. Zañğa säykes, ombudsmen konstituciyalıq sotqa adam qwqığı jäne erkindigi boyınşa normativtik qwqıqtıq aktilerdiñ Konstituciyağa säykestigi mäseleleri boyınşa jügine aladı. Sonımen birge memlekettik organdar, mekemeler men azamattar arasındağı daulardı retteu boyınşa qoğamdıq dialogtarğa qatısa aladı.

Zañ boyınşa, Adam qwqıqtarı jönindegi uäkil memlekettik organdarğa esep bermeytin täuelsiz organ boluı tiis. Onı kuägeri retinde tergeuge bolmaydı.

Bwğan deyin qwqıq qorğauşılar Astananı adam qwqıqtarı jönindegi uäkildiñ ökiletine qatıstı tüzetulerdi jetildiruge şaqırğan. Olar ombudsmendi saylau men onıñ ökiletin toqtatu tärtibin jetildirudi, tiispeuşilik märtebesin onıñ orınbasarları men qızmetkerlerine de berudi wsınğan. Resmi aqparat boyınşa, zañ jobasında Europa komissiyasınıñ sessiyasında berilgen rekomendaciyalardıñ 50 payızı eskerilgen.

Qwjatqa säykes, Qazaqstannıñ 17 aymağında adam qwqıqtarı jönindegi ökildik aşılğan. Oğan 2,4 mlrd teñge bölingen.