Pavlodar qalasında jaña qazaq tildi mektep-liceyi boy köterdi. Qazir oquşılar qabıldanuda. Jaña oqu jılınan esigi ayqara aşıladı. Bwl turalı keşe, Pavlodar oblısınıñ äkimi Äbilqayır Sqaqov respublikalıq BAQ ökilderine bergen brifingi barısında mälim etti.

Ertis-Bayan öñirinde  jıl sanap qazaq tildi mektepterge degen swranıs artıp keledi. Resmi statistikağa jüginsek, büginde oblıs boyınşa barlığı 359 mektep bolsa, onıñ 138-i, yağni 39%-ınıñ oqıtu tili – qazaq tili. Soñğı bes jılda memlekettik tilde bilim beretin mektepterdiñ qatarı artqan. Sonıñ işinde tört aralas mektep tolığımen qazaq tiline auıstı.

Endi mine, bwl tizim tağı bir su jaña bilim ordasımen tolıqpaq. Pavlodar qalasında jañadan salınğan «Sarıarqa» şağın audanında orın tepken mektep twsauı biıl küzde kesiletin boldı. Bwl oblıs ortalığındağı licey därejesi bar alğaşqı qazaq tildi mektep bolmaq.

«Mektep qwrılısı tolığımen ayaqtaldı. Mwnda bir auısımda 650 oquşı bilim alatın boladı. Nısan aldağı jaña oqu jılınan bastap resmi türde jwmısın bastaydı. Qazir oquşılardı tirkeu boyınşa tiisti ötinişter qabıldanuda. Äleumettik, bilim salasına jauaptı mamandar tiisti taldau jürgizdi. Swranısqa oray bwl mektepte memlekettik tilde bilim beruletin boladı», - dedi aymaq basşısı Ä.Sqaqov respublikalıq ortalıq kommunikaciyalar qızmetinde söylegen sözinde.

Qazaq tildi mektepterge degen swranıstıñ artqanın Pavlodar oblısınıñ bilim beru basqarmasındağılar keltirgen mına bir mısaldan ayqın bayqauğa boladı. Pavlodar qalasında Bauırjan Momışwlı atındağı bilim ordasında 700-ge juıq oquşı artıq oqidı. YAğni, jükteme tım joğarı. Mekteptiñ üş auısımğa ötu qaupi tuındauda. Bwl ondağı bilim sapasına, sanitarlıq jağdayğa keri äserin tigizeri sözsiz. Sondıqtan atalğan bilim beru ordasınıñ biraz oquşıları ata-analardıñ kelisimi boyınşa «Sarıarqa» şağın audanındağı jañadan boy kötergen licey-mektebine auıstırılmaq. Bwl eki mektep bir-birine jaqın ornalastırılğan.

Taqırıpqa twzdıq

Pavlodar oblısında taza orıs tilinde bilim beretin 52 mektep bar. Soñğı 4 jılda orıs tildi 23 bilim beru mekemesinde qazaq tilinde oqıtatın birinşi sınıptar aşılğan. Bwl bağıttağı jwmıstar aldağı uaqıtta da jürgizilmek.