Almatı oblısı Qızıl-Qayrat auılındağı öner ortalığındağı tegin üyirmelerdiñ jwmısın toqtatuına baylanıstı ata-analardıñ şağımımen öner ortalığına barğan bolatınbız. 4 aydan beri jwmıs istep twrğan ortalıqta 125 bala 7 bağıt boyınşa tärbielenip jatqan. Olar estradalıq vokal, wlttıq bi, biser, qolöner, dombıra, sonday-aq logoped te jwmıs istegen. Köbinese balaların aqılı üyirmelerge beruge jağdayı kelmeytin otbasılardıñ balaları tärbielenip otırğan. Auıldağı birden-bir şığarmaşılıq ortalıq ata-analardıñ köñilinen şığıp, balalar da är sabaqqa belsene qatısıp, asığa kütetin bolğan. Alğaşqı nätijesi de körine bastağan. Osı ortalıqtıñ şäkirtteri auılda ötken is-şaralarda boy körsetip, äsirese naurız toyında jwrttıñ közayımına aynalğan. Qısqa uaqıtta osınday jetistikke jetkenine qaramastan, ayaqastınan toqtatıladı degen habar ata-analarğa da osında üyrenip jürgen balalarğa da kütpegen şeşim boldı. Bwl wjımnıñ direktorı Älima Nwrğaliqızınıñ aytuınşa wjımda 5 wstaz jwmıs isteydi. Naurızda toqtatılsın degenine qaramastan ata-analardıñ tilegin eskerip, jwmıstarın jalğastırıp kelgen, endi ol kisilerdiñ eñbek aqısı men orınnıñ jaldau qarajatın töley almay otırğanın, sol mebepti, soñğı aptada jwmıstı toqtatuğa mäjbür bolğanın aytadı.

Imanbekova Gauhar apa: Auılda öner mektebi aşılğanda biz qattı quanğan edik. Qızımnñ bes balası bar, sonıñ üşeui osı üyirmege qatısadı. Nemerelerimde osında qatısıp jür edi. Bilik basındağılar bizge osınday bir jaqsı bastamanı berip ediñizder. Soñı wzaqqa barmayın dep twr... Osı mäselge qattı qarnımız aşadı. Arı qaray jalğastırsa eken. Baladan wrpaqtan eşnärseni ayauğa bolmaydı ğoy..." dese, tağı bir  nemerelerin osı öner mektebine äkelip jürgen apa Qatira Payızbekova: "Osında balalarımızğa türli bağıtta sabaq berip, öner üyretip jürgen apaylarınıñ barlığı öte jaqsı, balalarımız künnen-künge damıp kele jatır edi. Endi jabıladı degendi estip qattı qapalanıp otırmız. Balalar jılı, auıldı örkendetu jılı qarsañında osınday jaqsı bastamanı toqtatu qiyanat bolar edi" dedi.
Bwl bastama prezident Qasım-Jomart Toqaevtıñ 2020 jılğı “jaña jağdaydağı qazaqstan: is-qimıl kezeñi” dep atalatın joldauınan keyin sol kezdegi sport jäne mädeniet minstri A.Rayımqwlovanıñ 2021j 28 säuirdegi “balalar men jasöspirimderge arnalğan şığarmaşılıq üyirmelerdi jan basına şaqqandağı normativtik qarjılandıru qağidaların bekitu turalı” N123 bwyrığına say jüzege asqan. Osı bwyrıqtıñ jüzege asuı üşin qwqıqtıq aktiler bekitilgen. Ayta keter bolsaq: 1. Balalar men jasöspirimderge arnalğan şığarmaşılıq üyirmelerge memlekettik şığarmaşılıq tapsırıstı ornalastıru jäne olardıñ jwmıs isteu qağidaları.
2. Balalar men jasöspirimderge arnalğan şığarmaşılıq üyirmelerge jan basına normativtik qarjılandıru qağidaları.
3. Memlekettik tapsırıstı jan basına normativtik qarjılandıru ädistemesi.
4. Balalar men jasöspirimderge arnalğan şığarmaşılıq üyirmelerdiñ jäne sporttıq sekciyaları boyınşa tapsırıs 4 jastan 18 jasqa deyingi balalarğa onıñ işinde erekşe qabileti bar balalarğa qoldanıladı.
Almatı oblısınıñ äkimşiliginiñ deregi boyınşa şığarmaşılıq üyirmelerge 1 mlrd 540 mln qarjığa 48516 bala tärbielengen, biıl 2 mlrd 400mln tg qarjı bölinip, 1 aqpanğa deyin 231 jeke käsipker 58 bağıt boyınşa 1892 üyirme aşıp, 54210 bala oqıp jürgen. 1,3mlrd tg käsipkerlerdiñ şotına audarılğan. Oblıs äkimi osığan deyin bwl üyirmelerdi qarjılandıru üşin jergilikti äkimdiktiñ byudjetimen şeşe almaytındıqtan, tiisti minstirliktermen birlesken otırıs ötkizip, prezident äkimşiliginiñ qarauına joldanğan. Osılayşa jıl soñına deyin üyirmelerdi qarjılandıru üşin 20mlrd tg qajet bolatındıqtan, onıñ üstine keybir zañsızdıqtar bayqalğandıqtan, mädeniet jäne sport minstirliginiñ kelsimimen vauçer beru uaqıtşa toqtatılıp, 1-naurızdan bastap , osı ispen aynalısıp otırğan jeke käsipkerlerge qarjılandırudıñ uaqıtşa toqtatılatını habarlanğan. 16-naurızda ötken minstirlikpen birlesken otırıstan keyin, osı boyınşa jauap kütip otırğandarın aytqan bolatın.
Sol küttirgen mäsele boyınşa, 5 säuirdegi mädeniet jäne sport minstiri Däuren Abaev öz mälimdemesin jasadı. Qaz aqparatta körsetilgendey D.Abaev öz mälimdemede:«Mäsele qarjıda emes, tegin üyirme qızmetin wsınudıñ şarttarın retteuge kelip tirelip twr. Ükimet otırısında aytqanımday, qwjatta bar, naqtı ömirde joq jandar payda bolıp jatır. Sondıqtan bwl mäseleni juıq arada şeşuimiz kerek. Büginge deyin bwl bağdarlamanıñ mümkindigin 500 mıñ bala paydalanıp ülgergen. Meniñşe, bwl tamaşa körsetkiş. YAğni, tegin üyirmeler jabılmaydı», - dedi Däuren Abaev.
Sonday-aq, «bwl mäsele jwmıs istep twr. Tek 2-3 oblısta ğana ötinimderdiñ köp keluinen problema tuındadı. Üyirmege qatısqısı keletinderdiñ sanı jospardağıdan köp bolıp şıqqan. Bwl jerde mäseleni şeşudiñ bir jolı ğana bar. Biz qarjılandıru kölemin wlğaytamız. Bağdarlama äri qaray jwmıs istey beredi», - dedi vedomstvo basşısı.
Ministr aytqanında twrıp, uağdasın osındasa balalar jılına  eñ jaqsı sıylığı bolar edi. Balalar men ata-analardı köpten qınjıltqan mäsele oñ şeşimin tabar edi.

Talğar audanı.

Nwrbätima Baytwrsın