Kabulde jürgen tälipter. Foto: Reuters

Qazaqstannıñ Auğanstandağı elşiligin tälipter küzetip twr. Bwl aqparattı 20 tamızda Ortalıq kommunikaciyalar qızmetinde ötken brifing kezinde Qazaqstan sırtqı ister ministriniñ orınbasarı Aqan Rahmetullin habarladı.

"Kabuldı basıp alğan tälipter Qazaqstan elşiligine de kelgen. Olarmen elşi söylesken. Qazaqstan elşiligi ekenin bilgen soñ, "eşteñeden qorıqpay bwrınğışa jwmıs istey beriñder" degen. Sodan beri tälipter elşilikti küzetip twr. Täliptermen baylanıs äzirge osı ğana" dedi Rahmetullin.

Älemniñ biraz elinde ekstrimistik wyım dep tanılğan "Taliban" qozğalısı 15 tamızda Kabuldı soğıssız alğan alıp, Auğanstannıñ bükil aumağına baqılau ornatqan. El prezidenti Aşraf Ğani elden ketken.

The Qazaq Times