Şıñjañdağı tuısın Qazaqstanğa qaytarudı talap etip, wzaq uaqıttan beri narazılıq ötkizip jürgen Almatı twrğını Farida Qabılbektiñ küyeui Zeynolla Raqıjan 9 säuirde tañerteñ Qıtaydıñ Çendu qalasınan Almatığa wşıp keldi. Äuejayda onı otızğa juıq adam kütip aldı. Bwl turalı Azattıq radiosı habarladı.
Azattıqtıñ mälimetinşe, Raqıjandı keden qızmetiniñ ökilderi wzaq wstap, jolauşılardıñ soñınan şığarğan. Bwğan jwrt narazı bolğan. Raqıjan jinalğan jwrqa "Elge jetkenime quanıştımın. Eki eldiñ dostığı mäñgi jasay bersin. Tuıstarıñ şığadı. Virus wstap twr. Bäriñniñ tuıstarıñdı jiberedi" dep aytqan.
Raqıjan Azattıq jurnalisiniñ "Sizge keler aldında Qıtay tarabınan qanday da bir eskertu jasaldı ma?" degen swrağına "joq" dep jauap bergen.
Azattıqtıñ mälimetinşe, 58 jastağı Raqıjan Zeynolla Qıtaydıñ Boro-Tala-Monğol avtonomiyalıq oblısınıñ Arasan audanına qarastı Qarabwqa kentinde tuıp-ösken. 2000 jılı otbasımen birge Qazaqstanğa qonıs audarıp, Almatı oblısına kelip twrğan. 2004 jılı Şıñjañğa qıdırıp barğan Raqıjan Zeynollanı policiya wstap, jauapqa tartqan. Tuıstarınıñ aytuınşa, "tıñşı" degen ayıppen 13 jılğa sottap, türmege qamağan. Türmeden şıqqan soñ sayasi lager'de bir jarım jıl otırğan. Qıtayda da, Qazaqstanda da memlekettik organdarda qızmet istemegen, tek wsaq saudamen aynalısqan. Bir wl, bir qızı bar.
