AQŞ pen Ündistan diplomatiya jäne qorğanıs salasındağı ıntımaqtastıqtı barğan sayın damıtıp keledi. Bwl qadamdar Beyjiñniñ arta tüsken ıqpalına qarsı jasalğan şaralardıñ bir parası. Eki eldiñ Sırtqı ister ministrlikteri arasındağı tığız baylanıstan tıs, Qorğanıs ministrlikteri de jeñ wşınan jalğasa tüsti. Aytalıq, keşe SİM basşılarınan bwrın qorğanıs ministrleri oñaşa kezdesti.

AQŞ-Ündistan arasındağı baylanıstı damıtuşı bastı bağdarlama «2+2» dep ataladı. Onısı eki Sırtqı ister jäne eki Qorğanıs ministrlikterdiñ baylanısın damıtu degendi bildiredi. 26 qazan Jaña-Delide «2+2» kezdesuinen bwrın Pentagonnıñ qazirgi basşısı Mark Esper men ündi qorğanıs ministri Rejnat Siñh (Rajnath Singh) kezdesti. Bwl kezdesudiñ nätijesinde amerikalıq jäne ündi äskeri küşteri arasında mañızdı birqatar kelisim jasaldı. Kelisim «Jedel qauipsizdik mäselelerine arnalğan aqparat almasu» turalı mindettemelerdi de qamtıdı.

Ayta keteyik, bwl Esperdiñ AQŞ-Ündistan arasındağı «2 + 2» kezdesuine ekinşi ret qatısuı, eki el osınday üş dialog ötkizdi.

AQŞ qorğanıs ministri Esperdiñ aytuınşa ündi-amerika qorğanıs ıntımaqtastığınan köp ümit kütuge boladı, taraptar är türli qızmetter arasındağı ıntımaqtastıqtan tartıp, qauipsizdiktiñ kommunikaciyalıq mümkindikterin jaqsartu jäne logistikadağı özara baylanıstardı nığaytu sekildi birqatar bağıtta önimdi qızmet jürgizip jatır.

Bwl ret AQŞ pen Ünlistan «Negizgi almasu jäne ıntımaqtastı turalı» kelisimge qol jetkizdi. Alda eki Qorğanıs ministrligi arasındağı aqparat almasudı keñeytpek. Kelisim işinde, «qorğanıs qajettiligin jedel damıtu», «damıp kele jatqan tehnologiyalar salasındağı seriktestikti ilgerletu», «jahandıq qauipsizdik sın-qaterlerin ortaq şeşu» qatarlı tarmaqtar bar.

Tap osı mäseleler Qıtaydıñ Ündi-Tınıq mwhitındağı ıqpalın tejeude eki eldiñ müddeli salaları. Kezdesu kezinde Qıtay taqırıbı aşıq aytılmağanımen, ündi-amerika strategiyalıq seriktestigin arttırudıñ bastı maqsatı – Qıtay qaterine ortaq jauap beru.

AQŞ-Qıtay, Ündistan-Qıtay qatınası qısqa uaqıtta naşarlap, şielenis qauipti deñgeyge jaqın twr. Osı kezde AQŞ pen Ündistan arasında qarım-qatınas jedel damıdı. Kezekti «2+2» kelissözinen bwrın amerikalıq sarapşılar AQŞ-Ündi qatınası osı ğasırda demokratiyanı qorğauşı elder üşin eñ mañızdı qarım-qatınas dep bağalağan bolatın.

“The Qazaq Times”