Prezident Toqaev pen eks-prezidenttiñ qızı Dariğa Nazarbaeva. Foto: aşıq derekköz

Aqorda saytında jariyalanğan jarlıqta "Memleket basşısınıñ Jarlığımen Qazaqstan Respublikası Parlamenti Senatınıñ deputatı Dariğa Nwrswltanqızı Nazarbaevanıñ ökilettigi toqtatıldı", - delingen.

Qazaqstandı 30 jılday uaqıt bilegen  eks-prezidenttiñ twñğışı Dariğa Nazarbaeva wzaq jıldar boyı bilikte ärtürli lauazımda, soñğısı, bıltırdan beri prezidentten keyingi "rezerv kadr" missiyasına para-par qızmette, yağni senat törağası ornında boldı.

56 jastağı Dariğa Nazarbaeva är jıldarı "Habar" agenttiginiñ jetekşisi, bwrınğı "Asar" sayasi partiyasınıñ basşısı, mäjilis deputatı, palata vice-spikeri, vice-prem'er t.b. qızmette bolğan. Taltüste Türkistan oblısındağı su tasqını turalı tuitter jelisindegijeke resmi parağında pikir bildirgen prezident Toqaev bügin jariyalanğan jarlıq turalı, yağni Nazarbaevanıñ tosın otstavkası jöninde birden komentariy bergen joq. Sağat 13:28-de Nazarbaevağa "Senat törağası retinde atqarğan belsendi jäne jemisti jwmısı üşin rizaşılığımdı bildiremin" dep jazdı.

Köktemniñ basında Wlıbritaniyanıñ qılmıspen küres agenttigi (NCA) Qazaqstan senatınıñ spikeri Dariğa Nazarbaeva men onıñ wlı Nwräli Älievtiñ ağılşın astanasındağı qımbat üylerine "zañsız/belgisiz kapital" küdigimen order şığarıp, isti sotqa joldağan edi. 8 säuir Londonnıñ Joğarğı sotı Nazarbaeva men Älievtiñ Londondağı eki zäulim üyi men qımbat päterine qatıstı orderdiñ küşin joydı. Biraq ağılşın agenttigi qazaqstandıq elita ökilderiniñ mülkine qatıstı is boyınşa appelyaciya beretinin mälimdedi.

"The Qazaq Times"