Iran men yadrolıq kelisimge qol qoyğan elder arasında 2015 jılı jasasqan kelisim ("Ortaq qadam" kelisimi dep te ataladı turalı talqı otırısın ötkizbek. Venada ornalasqan halıqaralıq wyımdardağı Iran ökili kelisimge qol qoyğan elder arasındağı talqı 6 jeltoqsanda ötetinin mälimdedi. 

Iran men 6 el (AQŞ, Britaniya, Franciya, Germaniya, Resey jäne Qıtay) arasında atalğan kelisim 2015 jılı jasalğan. Bwl Irannıñ yadrolıq qaruğa ie boluına tosqauıl qoyıp, beybit maqsatta atom energiyasın paydalanuına baqılau jürgizu maqsatındağı kelisim. Alayda, AQŞ biligine Donal'd Tramp kelgennen keyin Iranmen jasasqan kelisimdi jaramsız dep taptı. Bıltır mausım ayında AQŞ kelisimnen birjaqtı şığıp ketti jäne Iranğa bağıttalğan ekonomikalıq sankciyalardı qalpına keltirdi.

Bwl kelisim turalı dau-damay äli de basılar emes. Iran men AQŞ arasında 2015 jılğı kelisimge wqsamağan közqarastar bar. Eki el qayşılığınıñ da negizgi sebepteriniñ biri osı yadrolıq kelisim mäselesi. AQŞ kelisimnen bir jaqtı bas tartqanımen, Europalıq liderler jäne Resey men Qıtay kelisimde qaldı. Alayda, Iran europalıq üş eldi kelisimdegi mindetin orındamay keledi dep ayıptağan edi.

Osıdan bwrın, yağni biıl 28 mausımda Britaniya, Franciya jäne Germaniya Iranmen jasasqan kelisimdi talqılau otırısın ötkizgen bolatın. Sol retki talqılaudan keyin de Iran öziniñ uran bayıtu mölşerin qatarınan birneşe ret joğarılatıp, kelisimdi saqtamağan özge elder üşin eskertu jasağan bolatın.

“The Qazaq Times”