Ündistan ballistikalıq zımırandarı. Foto: Sputnik Internatinol

Keşe, 2 naurız küni, Ündistan Qorğanıs ministrligi habarlama jariyalap, Ündistan derbes zerttep jasağan dıbıstan jıldam wşatın tosqauılşı zımıran sınağın sätti ayaqtağanın mälimdedi. Bwl türdegi zımıran tömen keñistikte jaudıñ ballistikalıq zımıranın wstap aladı jäne joyadı. Bwl turalı China News habarlap otır.

Ündistan Qorğanıs ministrliginiñ mälimdemesinde, zımıran sınağı 1 naurız küni tañerteñ, Ündistan jergilikti uaqıtımen 10:15 minut ötkende sätti türde orındalğan. Sınaq jasağan orındı Bengal şığanağındağı Abdul Kalam aralı dep körsetti. Sınaq maqsatı tosqauılşı zımıran 15 mıñ da 25 mıñ metrlik keñistiktegi zımırandı qağıp alıp, keñistikte joyıp jiberu boldı. Ündistan qorğanıs tarauınıñ aytuınşa, jañadan zerttelip jasalğan zımıran barlıq sınaq missiyaların tolığımen, joğarı deñgeyde orındap şıqqan.

Ündistan aqparat qwraldarına swhbat bergen Qorğanıs ministrliginiñ joğarı lauazımdı twlğası, sağat 10-nan 10 minut ötkende atu bwyrığı berilgenin, şamamen tört minuttan keyin keñistiktegi zımıranğa jetip joyğanın aytıp berdi. Ündi aqparat qwraldarı bwl retki sınaqtıñ Ündistandağı PRO jüyesin keñeytu josparınıñ bir ğana bölegi ekenin habarlauda. Onıñ üstine bwl bir ay işindegi ekinşi retki tosqauılşı zımıran sınağın jasauı. Aldınğı ayda joğarı keñistikte (50000 metrlik biik keñistikte) jau zımıranın tosqauıldau jäne joyu sınağı da tabısqa jetken bolatın.

Ündistannıñ soñğı jıldarı äskeri auır tehnikalardı, ğarış zertteu, elektronika salalarındağı tabısı älem nazarın audardı. Qorğanıs salasın damıtudı nığaytıp kele jatqan ündi eli, qazir äskeri quatı jağınan älemdegi aldınğı ondıqqa kiredi.

“The Qazaq Times”