ءۇندىستان جاڭا تۇردەگى سۋىق قارۋ سىناعىن جاساپ الەمدى جالت قاراتتى

كەشە، 2 ناۋرىز كۇنى، ءۇندىستان قورعانىس مينيسترلىگى حابارلاما جاريالاپ، ءۇندىستان دەربەس زەرتتەپ جاساعان دىبىستان جىلدام ۇشاتىن توسقاۋىلشى زىمىران سىناعىن ءساتتى اياقتاعانىن مالىمدەدى. بۇل تۇردەگى زىمىران تومەن كەڭىستىكتە جاۋدىڭ بالليستيكالىق زىمىرانىن ۇستاپ الادى جانە جويادى. بۇل تۋرالى China News حابارلاپ وتىر.

ءۇندىستان قورعانىس مينيسترلىگىنىڭ مالىمدەمەسىندە، زىمىران سىناعى 1 ناۋرىز كۇنى تاڭەرتەڭ، ءۇندىستان جەرگىلىكتى ۋاقىتىمەن 10:15 مينۋت وتكەندە ءساتتى تۇردە ورىندالعان. سىناق جاساعان ورىندى بەنگال شىعاناعىنداعى ابدۋل كالام ارالى دەپ كورسەتتى. سىناق ماقساتى توسقاۋىلشى زىمىران 15 مىڭ دا 25 مىڭ مەترلىك كەڭىستىكتەگى زىمىراندى قاعىپ الىپ، كەڭىستىكتە جويىپ جىبەرۋ بولدى. ءۇندىستان قورعانىس تاراۋىنىڭ ايتۋىنشا، جاڭادان زەرتتەلىپ جاسالعان زىمىران بارلىق سىناق ميسسيالارىن تولىعىمەن، جوعارى دەڭگەيدە ورىنداپ شىققان.

ءۇندىستان اقپارات قۇرالدارىنا سۇحبات بەرگەن قورعانىس مينيسترلىگىنىڭ جوعارى لاۋازىمدى تۇلعاسى، ساعات 10-نان 10 مينۋت وتكەندە اتۋ بۇيرىعى بەرىلگەنىن، شامامەن ءتورت مينۋتتان كەيىن كەڭىستىكتەگى زىمىرانعا جەتىپ جويعانىن ايتىپ بەردى. ءۇندى اقپارات قۇرالدارى بۇل رەتكى سىناقتىڭ ۇندىستانداعى پرو جۇيەسىن كەڭەيتۋ جوسپارىنىڭ ءبىر عانا بولەگى ەكەنىن حابارلاۋدا. ونىڭ ۇستىنە بۇل ءبىر اي ىشىندەگى ەكىنشى رەتكى توسقاۋىلشى زىمىران سىناعىن جاساۋى. الدىنعى ايدا جوعارى كەڭىستىكتە (50000 مەترلىك بيىك كەڭىستىكتە) جاۋ زىمىرانىن توسقاۋىلداۋ جانە جويۋ سىناعى دا تابىسقا جەتكەن بولاتىن.

ءۇندىستاننىڭ سوڭعى جىلدارى اسكەري اۋىر تەحنيكالاردى، عارىش زەرتتەۋ، ەلەكترونيكا سالالارىنداعى تابىسى الەم نازارىن اۋداردى. قورعانىس سالاسىن دامىتۋدى نىعايتىپ كەلە جاتقان ءۇندى ەلى، قازىر اسكەري قۋاتى جاعىنان الەمدەگى الدىنعى وندىققا كىرەدى.

“The Qazaq Times”