Foto: Sputniknews.kz

"Wlt tağdırı" wyımı atınan prezidenttikke wsınılğan sayasatker Ämirjan Qosanov Ortalıq saylau komissiyasına qwjattarın tapsırdı. 

"Bügin astanağa kelip,  Ortalıq saylau komissiyasına qwjattarımdı tapsırdım. Eki kün boyına tekseriledi. Qazaq tilinen sınaqtı düysenbi küni sağat 11-de tapsıramın", dep jazdı Facebook paraqşasına.

Sonday-aq, sayasatker til sınağın tikeley efirde ötkizudi qalaytının da atap ötken.

Ayta keteyik, keşe Almatı qalasında " Jaña Qazaqstan" forumı baspasöz mäslihatın ötkizdi. Jiın barısında "Wlt tağdırı" wyımınıñ törağası Dos Köşim qozğalıs atınan alda kele jatqan prezident saylauına Ämirjan Qosanovtı wstanatının mälimdedi.

Qazaqstanda merziminen bwrın prezident saylauı 9 mausım küni ötedi.

"The Qazaq Times"