فوتو: Sputniknews.kz

"ۇلت تاعدىرى" ۇيىمى اتىنان پرەزيدەنتتىككە ۇسىنىلعان ساياساتكەر ءامىرجان قوسانوۆ ورتالىق سايلاۋ كوميسسياسىنا قۇجاتتارىن تاپسىردى. 

"بۇگىن استاناعا كەلىپ،  ورتالىق سايلاۋ كوميسسياسىنا قۇجاتتارىمدى تاپسىردىم. ەكى كۇن بويىنا تەكسەرىلەدى. قازاق تىلىنەن سىناقتى دۇيسەنبى كۇنى ساعات 11-دە تاپسىرامىن", دەپ جازدى Facebook پاراقشاسىنا.

سونداي-اق، ساياساتكەر ءتىل سىناعىن تىكەلەي ەفيردە وتكىزۋدى قالايتىنىن دا اتاپ وتكەن.

ايتا كەتەيىك، كەشە الماتى قالاسىندا " جاڭا قازاقستان" فورۋمى ءباسپاسوز ءماسليحاتىن وتكىزدى. جيىن بارىسىندا "ۇلت تاعدىرى" ۇيىمىنىڭ توراعاسى دوس كوشىم قوزعالىس اتىنان الدا كەلە جاتقان پرەزيدەنت سايلاۋىنا ءامىرجان قوسانوۆتى ۇستاناتىنىن مالىمدەدى.

قازاقستاندا مەرزىمىنەن بۇرىن پرەزيدەنت سايلاۋى 9 ماۋسىم كۇنى وتەدى.

"The Qazaq Times"