Foto: mepanews.com

KHDR men Oñtüstik Koreyanıñ äskerileri bügin, 1 qazannan bastap batıstan şığısqa deyingi tört şaqırım wzındıqqa sozılğan qarusızdandırılğan aymaqtı minasızdandıruğa kiristi, - dep habarlaydı 20minutes.fr Seuldegi oñtüstikkoreyalıq Qorğanıs ministrliginen taratılğan mälimetke silteme jasap. 

Atu jaraqtarı men minalardı joyu, qos Korey elderi arasındağı 1950-1953 jıldardağı Korey soğısı kezinde qaza tapqan äskeri qızmetkerlerdi birge izdeu turalı kelisimşarttı jüzege asıru üşin qajet. Koreya Respublikasınıñ Qorğanıs ministrliginiñ boljamınşa, atalğan aymaqta birneşe ondağan mıñ mina boluı mümkin. Minasızdandırudıñ alğaşqı kezeñi Oñtüstik Koreya prezidenti Mun Ja In men KHDR Memlekettik keñesiniñ basşısı, soltüstikkoreyalıq lider Kim Joñ Innıñ eki birdey kelissözderi ötken şekaralıq nısandağı «ortaq küzet aymağın» 20 kün işinde ayaqtau qarastırılğan. 20minutes.fr agenttiginiñ mälimetinşe, Çhorvonda (Oñtüstik Koreya) şamamen 500 äskeri qızmetkerdiñ,  sonımen qatar, BWW tuımen küresuşi 300 äskeridiñ süyegi boluı mümkin. Qaza tapqandardıñ süyegin izdeu jwmıstarın 2019 jıldıñ 1 säuiri men 31 qazan aralığında jürgizu josparlanuda.

1950-1953 jıldardağı Korey soğısı BWW tuımen soğısuşı AQŞ äskerleri men soltüstikkoreyalıq armiyasınıñ Qıtay halıqtıq eriktilerimen arasındağı bitim turalı kelisimşartqa qol qoyılumen ayaqtalğan edi. Sol uaqıttan beri Uaşington KHDR-nıñ beybitşilik turalı kelisimşart jasau talpınısın üstimizdegi jıldıñ 12 säuirinde Singapurde soltüstikkoreyalıq lider Kim Joñ Inmen kezdesude kelisim bergenşe keri qaytarıp kelgen.

“The Qazaq Times”