Foto: stratejikortak.com

AQŞ Qarjı ministriniñ kömekşisi Marşall Billingsli eger Resey älemdik sahnadağı öziniñ «dwşpandıq äreketin» toqtatpaytın bolsa, amerikalıq äkimşiliktiñ endi Vladimir Putinniñ janındağı adamdarğa da sankciya salatının mälimdedi.

Bwl turalı ol AQŞ Kongresiniñ ökilderiniñ Palatasında ayttı dep habarlaydı, -  DW. Ol Reseydiñ äreketin «öreskel» dep atap, onıñ jauapkerşiligi Putinge jaqın adamdarğa tiesili degen. Billinslidiñ sözinşe, AQŞ äkimşiliginiñ osı mäselege qatıstı eşteñeden tayınbaytının Putinge jaqın oligarhtar Oleg Deripaska men Viktor Veksel'berke salınğan sankciyalar dälel bola alatının aytqan. Olar, qazirgi küni özderine tiesili aktivteriniñ edeuir böliinen ayrılğan. Eske salayıq, AQŞ äkimşiligi bwğan deyin Reseyge birneşe märte sankciya engizgen edi. Sonıñ işinde, eñ soñğı ret reseylik 33 kompaniyağa, sonımen qatar küni keşe 12 kompaniyağa sankciya engizgenin habarlağan edik.  

“The Qazaq Times”