Foto: lemonde.fr

Halıqaralıq Qılmıstıq Sot (HQS, «International Criminal Court») M'yanma biliginiñ Arakan ştatındağı mwsılman twrğındarğa qarsı qılmısına qatıstı aldın ala tergeuler bastadı. Bwl turalı «liberation.fr» HQS-tıñ prokurorı Fatu Bensudanıñ sözine silteme jasap habarlaydı.

Onıñ sözinşe, Halıqaralıq Qılmıstıq Sotta 700 mıñ rohinja mwsılmannıñ Bangladeşke deportaciyalanuına qatıstı jetkilikti deñgeyde dälelder jinaqtalğan. Ol HQS-ta arakandıq mwsılmandarğa qarsı qoldanılğan qılmısqa da qatıstı mälimetter men qwjattar bar ekenin aytıp: «QHS rohinja mwsılmandarınıñ negizgi qwqıqtarınıñ bwzıluı turalı qolda bar mälimetterdi, adam öltiru, jınıstıq zorlau, örteu, wrlap-tonau jäne küştep köşiru siyaqtı qılmıstardı zertteydi», - dedi. Bwdan bwrın Gaagadağı QHS M'yanma biliginiñ Arakan şatatındağı mwsılman twrğındarğa qarsı qılmıstıq isterin tergeu jwmıstarınıñ bastalğanı turalı habarlağan edi. QHS mälimdemesinde aldın ala tergeudi ayaqtauğa qajetti merzim beru kerek, ol üşin jan-jaqtı tergeu üşin jetkilikti dälelder jinau mindeti twrğanı aytılğan. Bwdan bwrın, M'yanmanıñ soltüstigindegi Arakan qalasındağı mwsılmandarğa «qarulı toppen küres» degen jeleumen şabuıl jasalıp jatqanı habarlanğan edi. Aymaqtağı gumanitarlıq jağday birden tömendep, Arakan qalasınıñ Bangladeşke qaşqan twrğındarınıñ sanı 700 mıñğa jetken.

“The Qazaq Times”