Foto: eadaily.com

Seysenbi, 11 qırküyekte Auğanstannıñ şığısındağı jarılıs saldarınan kem degende 32 adam qaza tauıp, tağı 128 adam jaraqattanğan.

AFP habarlauınşa, jarılıs Nangarhar qalasındağı qarsılıq nauqanı kezinde orın alğan. Qarsılıq nauqanına jergilikti policiya basşısınıñ tağayındaluı sebep bolğan. Qarsılıq şarasına şığuşılar Djelalabad qalasınıñ äkimşilik ortalığı men Päkistanmen şekaradağı iri şekaralıq ötkel arasındağı joldı jauıp tastağan.

Aldın ala mälimetter boyınşa, jankeşti-terrorist qarsılıq akciyasına şığuşılar tobında jarılatın qwrılğısın iske qosqan. 32 adamnıñ ömirin jalmağan bwl terrorlıq isti äzirge eşqanday wyım moynına almay otır. Degenmen, Taliban qozğalısı men Islam memleketiniñ äli künge deyin Nangarharda qarulı qaqtığıs jürgizip jatqanın esepke alğan ükimet, atalğan jarılıstı eki toptıñ biri moynına aluı mümkin dep kütedi.

 “The Qazaq Times”