Foto: R.T.Erdoğan

Eger Süriya prezidenti Başar Asadtıñ äskeri Idlibke şabuılın jalğastıra beretin bolsa, bükil älem osı istiñ zardabın tartatın boladı, - dep eskertti Türkiya prezidenti Rejep Tayıp Erdoğan. «The Wall Street Journal» jurnalında «Älem Asadtı toqtatuı kerek» degen türik prezidentiniñ maqalası jarıq kördi.

Maqalada Erdoğan süriyalıq äskerilerdiñ «terroristermen küres degen» jeleumen Idlib şabuılınıñ saldarın eskertken. «Halıqaralıq qauımdastıqtıñ barlıq müşeleri Idlibke jasalatın şabuılğa qatıstı özderiniñ mindetterin tüsinuleri kerek», - dep jazğan ol. Rejimniñ şabuılı Türkiya men Europa üşin gumanitarlıq qauip-qaterler tuındatuı mümkin.

Erdoğan maqalasında Türkiyanıñ süriyalıq qaqtığıstağı rölin atap, türik eliniñ süriyalıq bosqındardıñ basım böligin — 3,5 mln adamdı qabıldağanın da jazğan. Onıñ aytuınşa, Türkiya qantögisti toqtatu üşin qolınan kelgenniñ bärin jasadı. Batıs, sonımen qatar Resey men Iran aymaqtağı gumanitarlıq apattan jauaptı. Türkiya prezidenti Idlibte naqtı bir terrorlıq toptar bar ekenin mälimdey kele, ol jerdegi ekstremisterdi tüp-tamırımen joyu üşin «jalpığa ortaq halıqaralıq kontrterroristtik operaciyağa» şaqırğan.

“The Qazaq Times”