Foto: ca-news.org

Auğanstannıñ qauipsizdik küşteri Nangarhar qalasındağı terroristerdiñ bastı bazasın joydı, - dep habarlaydı CA-NEWS agenttigi auğanstandıq aqparat qwraldarına silteme jasap.

Aqparatqa säykes, şeteldik äskerlerdiñ kömegimen auğanstandıq küşter Päkistanmen şekaralas Nangarhar qalasına qarastı Haska Mina audanındağı negizgi nısandı joyğan. Bwl äskeri operaciya 11 kün bwrın bastalıp, halıqaralıq küşterdiñ äskeri-äue küşteriniñ qoldauımen jürgizilgen. Qazirgi uaqıtta DAIŞ-tıñ 150 terrorisiniñ közi joyılğan. Keyin belgili bolğanday, terrorister osı äskeri nısandarı arqılı el astanası Kabul men basqa ortalıqtarğa şabuıl jasaudı josparlağan. Osı operaciya qimıldarı äli jalğastırıluda. Al Auğanstannıñ birqatar auıldarı DAIŞ terroristeriniñ baqılauında.

“The Qazaq Times”