Foto: inform.kz

Türkistan oblısına jwmıs saparımen kelgen QR Prem'er-Ministriniñ birinşi orınbasarı Asqar Mamin oblıs ortalığında Türkistan aymağın damıtu perspektivaları turalı komissiyanıñ alğaşqı otırısın ötkizdi. Bwl turalı Türkistan oblısı äkiminiñ baspasöz qızmeti habarlaydı.

Elbası Jarlığına say oblıs ortalığın Türkistanğa köşiru jwmıstarın josparğa say jüzege asıru üşin arnayı ştab qwrılğanın aytqan oblıs äkimi J.Tüymebaev atalğan tapsırmalardı sätti orındau üşin Ükimet deñgeyinde şeşudi qajet etetin birqatar mäselelerge toqtalıp ötti.

Otırısta söz alğan QR Investiciyalar jäne damu vice-ministri Q.Öskenbaev Türkistan qalasın damıtu boyınşa jasalınatın jaña bas jospardı 2 kezeñ boyınşa jüzege asırudı wsındı.

«Birinşisi türki äleminiñ mädeni ruhani ortalığı jäne Türkistan oblısınıñ ortalığı retinde Türkistan qalasınıñ bas josparı twjırımdamasın üzdik nwsqasına halıqaralıq konkurs wyımdastırılatın boladı. Sonday-aq, Astana qalasınıñ salu täjiribesin eskere otırıp, qalanıñ twjırımdamasın tehnikalıq tapsırması men bas josparın äzirleu üşin Astana bas josparın tartudı nemese Türkistan qalasında filialın qwrudı wsınamın. Ekinşi kezeñde qabıldanğan 2050 jılğa deyingi twjırımdamanı eskere otırıp qalanı damıtudıñ egjey-tegjeyli wsınıstarı qamtılğan bas jospardı äzirleuge kirisu. Bas jospardı sätti äzirleu üşin oblıs ortalığı retinde Türkistan qalasın damıtudıñ jol kartasın äzirlengen jobasına säykes barlıq müddeli memlekettik organdardıñ belsendi qatısuı qajet»,-dedi Q.Öskenbaev.

“The Qazaq Times”