Foto: Hamid Baidinejad

AQŞ Irannıñ yadrolıq bağdarlamasına arnalğan ortaq jospardan şıqqan jağdayda Tehran (Tegeran) da sonday qadamğa baradı. Osınday eskertu jasağan Irannıñ Wlıbritaniyadağı elşisi Hamid Baidinejadtıñ sözinşe, AQŞ atalğan jobadan bas tartqan jağdayda kelisimşarttıñ mañızdı böligi joqqa şığarıladı. Bwl turalı bbc.com halıqaralıq aqparat agenttigi habarlaydı. 

«AQŞ kelisimşarttan bas tartsa, bwl osı kelisimşarttıñ küşiniñ joyılğanın bildiredi» - dedi Hamid Baidinejad, CNN telearnasına bergen swhbatında. Onıñ sözinşe, qazirgi uaqıtta Iran biligi AQŞ sonday şeşim şığarğan jağdayda oğan qarsı jauap retinde qanday qadam jasaytındıqtarı turalı oylastıruda.

Ağımdağı jıldıñ basında AQŞ prezidenti Donal'd Tramp, eger europalıq elder «kelisimşarttıñ öte ülken kemşilikterin tüzete almasa» Irannıñ yadrolıq bağdarlaması turalı kelisimşarttan bas tartu jöninde oyın bildirgen edi. Ol sol kezde Tehranğa salınğan sankciyanı alıp tastau merzimin wzartqan bolatın. Ayta ketu kerek, AQŞ kelisimşarttıñ keybir baptarın ötip ketken merzimmen özgertkisi kelgen edi. Iran bwğan kelispegen jağdayda, Vaşington qaytadan sankciya salatının aytqan edi. Al bwğan halıqaralıq «altılıqtıñ» qalğan müşeleri (Resey, AQŞ, Wlıbritaniya, QHR, Franciya, Germaniya) qarsı şığuda. Esteriñizge salayıq, 2015 jıldıñ şilde ayında Iran men osı «altılıq» köpjıldıq irandıq yadrolıq mäseleni retteu jöninde tarihi kelisimşartqa qol qoyğan edi.

“The Qazaq Times”