Mäskeu tarabı diplomattarı üşin Wşaq jiberdi. Foto: BBC.

Qwrama Ştattan şığıp ketuge bwyırılğan orıs diplomattarınıñ alğaşqı tobı Reseydiñ Uaşingtondağı (Vaşington/Washington) elşiliginen ketti. Bwl turalı «Şinlañ» aqparattıq ABC arnasına silteme bere otırıp habarladı.

AQŞ ükimetiniñ şeşimi boyınşa tizimdegi reseylik 60 diplomatiya qızmetkeri Qwrama Ştattan ketui kerek. Olarğa berilgen şekti merzim bügin ayaqtaladı (AQŞ-tıñ jergilikti uaqıtımen 2 säuirge deyin).  AQŞ ükimetiniñ şeşimi boyınşa 2 säuirge deyin atalğan reseylikter Uaşintondağı elşilikten ketui jäne barlıq zattarın şığarıp aluı kerek.  Resey tarabı diplomattarın elge qaytaru üşin arnayı eki wşaq jibergen. Reseylik diplomattardıñ alğaşqı tobı bir kün bwrın AQŞ-tan şığıp ketti. Qwrama Ştattağı Reseydiñ konsuldığı jabıldı.

Sergey Skripalğa jasalğan himiyalıq şabuıldan keyin Batıs pen Resey arası ala qoyday bülinip, soñı diplomatiyalıq soğısqa wlastı. Europa men Amerikanıñ 22 eli 130-dan astam reseylik diplomattı elden qudı. Mäskeude bwnıñ qarımta şabuılın jasap, AQŞ diplomattarın elinen şığardı.

Osıdan bwrın AQŞ-tıñ Memlekettik departamenti mälimdeme jariyalap: «Resey diplomattardı şığarumen özin aqtap ala almaydı», – degen bolatın.

“The Qazaq Times”