Ortalıq Afrika elindegi BWW Beybitşilikti qorğau küşteri. Foto: the United Nations.

Birikken Wlttar Wyımınıñ Qauipsizdik keñesi wyımnıñ beybitşilikti saqtauşı äskeri küşteriniñ sanın arttıruğa şeşim qabıldap otır. Bwl şeşim äsirese Ortalıq Afrika Respublikasındağı Beybitşilikti saqtauşı küşterge qarata jüzege asırılmaq. Bwl turalı «Şinlañ» aqparattıq saytı habarladı.

BWW Qauipsizdik keñesiniñ otırısınan keyin, Ortalıq Afrika Respublikasındağı beybitşilikti qorğaytın arnayı äskerler sanın tağı 900 adammen tolıqtıruğa şeşim qabıldadı. Nätijesinde, OAR elindegi BWW-nıñ jibergen beybitşilikti saqtauşı qarulı küşteriniñ sanı 11 mıñ 650 adamğa jetpek.

Ortalıq Afrika Respublikasındağı Beybitşilikti qorğau küşteriniñ sanın arttırudı BWW Bas hatşısı Antoniu Guterriş ortağa qoyğan. Sebebi, eldegi qonıs audaruşılar 600 mıñ adamnan asıp, özge memleketterge jartı mln halıq bas sauğalap ketken. Eldegi qarulı qaqtığıstar sanı jıldağıdan eselep arta tüsken. Osı qaqtığıstardı toqtatu jäne boldırmau üşin eldegi BWW jasaqtarın köbeytu birden bir şeşim dep taptı.

“The Qazaq Times”