EO müşeleri Tramp sayasatına qoldau körsete bastadı. Foto: Politico Europe.

Tramp ükimetiniñ sayasi basımdıqtarına säykes, Euroodaq elderi Soltüstik Koreya men Venesuelağa qaratqan qısımdı arttıra bastadı. Sonday-aq, AQŞ ükimeti Irannıñ 2015 jılğı yadrolıq kelisimge say keletinin moyındamağanımen, Europa Odağı elderiniñ kelisiminen keyin ğana kelissöz jürgize aladı. Bwl turalı «WSJ» basılımı habarladı.

Diplomattardıñ aytuınşa, jospar boyınşa EO-nıñ sırtqı ister ministrleri kelesi düysenbide Soltüstik Koreyanıñ yadrolıq jäne zımıran jobalarına qarsı is-qimıl josparın resmi qabıldaydı. Al EO-nıñ resmi ökilderi Venesueladağı Nikolas Maduro ükimetinde, onıñ negizgi adamdarına qarata sankciyalar jariya etui mümkin.

Qazirgi kezde Europadağı köptegen elderdi Soltüstik Koreyanıñ yadrolıq bağdarlaması alañdatıp otır. Sonımen birge Maduro ükimetiniñ qadamdarı da EO elderiniñ nazarınan tıs qalğan joq. Degenmen, Kim Joñ Un men Maduroğa qaratqan qısımdı arttıru qadamı, Europa elderiniñ Tramp ükimetimen ıntımaqtastıqtı qolğa alğanı. Al, Iran yadrolıq mäselesinde AQŞ pen Europanıñ pikiri bir jerden şıqpay keledi.

EO ökilderiniñ aytuınşa, Soltüstik Koreyanıñ üş jeke twlğası jäne altı ükimettik mekemesine qarata sankciya salınadı. Olardıñ jürip-twruı men şeteldegi barlıq aktivterine şekteu qoyılmaq. Biraq olardıñ aytuınşa bwl şekteuler Kim Joñ Un men onıñ lauazımdı qızmetkerlerine qaratılmaydı eken.

Oğan qosa, Europalıq Odaqtıñ barlıq müşelerine Soltüstik Koreyağa investiciya saluına şekteu qoyıladı. Aytalıq, Soltüstik Koreyağa mwnay satudı toqtatu. Al, Soltüstik Koreyağa audarılatın aqşanı 5 mıñ euroğa deyin qısqarttı. Bwl şekteuler arasında Soltüstik Koreya jwmıskerlerimen kelisimderdi wzartuğa qaratılğan şekteuler de bar.

“The Qazaq Times”