Nikolas Maduro men Erdoğan kezdesti. Foto: Carib Flame.

Venesuelanıñ prezidenti Nikolas Maduro Türkiyağa saparlay barıp, Türkiya prezidenti Rejep Tayıp Erdoğanmen kezdesti. Bwl turalı sol eldiñ «Anatolı» aqparattıq agenttigi habarladı.

Sayasi tolqular men işki-sırtqı qat-qabat qısımda qalğan Venesuela basşısı Maduro tığırıqtan şığar jol izdeude. AQŞ pen Europanıñ jäne birqatar körşiles elderdiñ sankciya qısımına wşırağan Venesuelanıñ jağdayı mäz emes. Sol üşin Maduro şığar joldı alıs Aziya qwrlığınan izdep otır. Osıdan bwrın Resey, Qıtay basşılarımen kezdesken ol Islam Intımaqtastıq Wyımınıñ sammiti kezinde Astana qalasına da kelip qaytqan edi.

Bwl jolğı Türkiya saparında Erdoğan men Maduro ekijaqtı qatınastı jaqsartudı qolğa aldı. Äsirese energetika men sauda-sattıq salasında belsendi seriktes bolu mäselesin talqıladı. Eki eldegi äleumettik-sayasi jağdaylar jöninde pikir almastı. Maduro bastap kelgen delegaciya müşeleri, sonıñ işinde Sırtqı ister ministrliginiñ ökilderi Türkiya SİM basşısımen de kezdesip berik diplomatiyalıq kelisimderge qol jetkizdi.

“The Qazaq Times”