Gavayi aralındağı äue bazası. Foto: WSJ.

Qwrama Ştattıñ resmi ökilderi «Aşıq keñistik şartı» boyınşa Gavayi araldarınıñ keñistiginen şeteldik wşaqtarınıñ wşuına tıyım saluğa dayındalıp otır. Bwl qadamı Reseydiñ äskeri qwpiyalıqtardı jasırğanına bergen jauabı bolıp sanaladı. Bwl turalı «The Wall Street Journal» basılımı habarlaydı.

«Aşıq keñistik şartı» 34 memleket qol qoyğan, bir-biriniñ aşıq keñistikterinde qarusız şarlau jürgizip, äskeri qadamdar men qaru jaraqtardı baqılauğa mümkindik beretin halıqaralıq şart bolıp tabıladı.

Soñğı kezderi Resey Baltıq teñizindegi Kaliningrad keñistiginde atalğan şart boyınşa barlau jürgizuge şekteu qoyğan. Bwğan AQŞ tarabı Gavayi araldarınıñ keñistigine kiruge şekteu qoyu arqılı jauap berdi. Atalğan keñistikte är retki wşu aralığı 900 şaqırımnan aspauı kerek degen belgileme şığarğan. AQŞ jaq Reseydiñ tıyım salıp otırğan aymaqtarında jasırın äskeri qimıldar jasap otır nemese mañızdı qaru-jaraqtar jasırğan boluı mümkin dep kümändanadı.

Qazirgi kezde «Aşıq keñistik şartı» boyınşa Gruziyadağı Robins äue qorğanısı bazasına jäne Oñtüstik Dakotadağı Ellvort äue küşteriniñ bazasına şarlau jasau şektelgen. Bwl eki baza wşqıştar men ekipajdar eki reys arasında demaluğa jäne janar zat tolıqtıruğa paydalandı. AQŞ ökilderi osı jaña şaralardı Venada ötken «Aşıq keñistik şartı» boyınşa Konsul'tativtik komitettiñ otırısında jariyaladı.

Särsenbi küni Resey Sırtqı ister ministriniñ orınbasarı Sergey Ryabkov AQŞ-tıñ bwl qadamdarın sınğa aldı. Äri Uaşingtonnıñ bwl qadamdarı ıntımaqtastıqqa bağıttalğan qadam emes ekenin ayttı. Bwğan Resey jaqtıñ jauap qaytaratının, alayda qanday şaralardı qosımşa jolğa qoyatını turalı mälimet bermegen. Reseylik resmi ökildiñ pikirinşe, Mäskeu tarabı Sibir äue qorğanısı küşteri bazasın paydalanuğa şekteu qoyuı mümkin eken. Bwl wşaqtardıñ Reseydiñ Qiır Şığıstağı äue keñistigine kiruine şekteu qoyu degendi bildiredi eken.

“The Qazaq Times”