Putin men Erdoğan. Foto: Meydan TV.

Resey men Türkiya basşıları kelesi aptanıñ beysenbi küni bas qosıp, eki memleket arasındağı keleli mäselelerdi – Süriya mäselesin jäne Türkiyanıñ Reseyden satıp alatın S-400 qorğanıs jüyesi töñiregindegi isterdi keñesetin boldı. Bwl turalı «Türik Tele-Radio» qızmetiniñ resmi saytı jazdı.

Erdrğan men Putin osıdan bwrın Germaniyadağı G20 keñesi kezinde kezdesken bolatın. Erdoğan aptanıñ bas şenindegi baspasöz jiınında bergen mälimetine qarağanda, düysenbi küni eki eldiñ basşısı telefon arqılı söylesken. Eroğan sözinde: «Beysenbi küni keşte kezdesemiz, Süriyada ne bolıp jatır, osı turasında talqılaytın bolamız», - degen.

NATO men Resey qarım-qatınası uşığa tüsken uaqıtta Türkiya jaq Reseydiñ qorğanıs jüyelerin satıp alatının jariya etken edi. Bwl şeşim jariya bolğannan keyin NATO müşeleri Türkiyağa qarsılıq bildirdi. Alayda, Türkiya jaq "Süriyadağı türli toptardan tönetin zımıran qauipteri kezinde wyımnıñ türik elin qorğauğa qabiletsiz bolğanın" alğa tartqan edi. Soñğı kezderi Türkiya men Resey arasındağı qarım-qatınas jiiley tüsti. Aldağı kezdesu eki jaqtı baylanıstardıñ kelesi qadamdarın anıq körsetip beredi dep kütilude.

“The Qazaq Times”